Hæðist að sveitarstjórn Borgarbyggðar: „Grilluð verða sérstök lambalæri sem hafa ekki vott af fitu“

Steinunn Árna­dóttir, org­anisti og bar­áttu­kona fyrir dýra­vel­ferð, hæð­ist að sveit­ar­stjórn Borg­ar­byggðar í nýrri færslu á Facebook.

Steinunn hefur verið dug­leg að benda á hinu ýmsu van­kanta í dýra­vel­ferð í sveitum lands­ins und­an­farna mán­uði. Síðustu vikur hefur hún ein­blínt á kind­urnar á bænum Höfða í Borg­ar­firði en þær virð­ast vera á ver­gangi um sveit­ina, illa til reika, ber­andi lömb undir berum himni í nálægð við rán­dýr. Eigendur kind­anna hafa neitað slæmri með­ferð á dýr­unum og sagt kvart­anir Stein­unnar og fleira fólks vera aðför á þeim. Mat­væla­stofnun hefur að því er virð­ist ekk­ert gert í mál­inu og í raun hefur eft­ir­lits­maður á vegum þeirra gefið grænt ljós á dýra­haldið á bænum.

Áhyggjur Stein­unnar og ann­arra hafa þó ekki minnkað enda sína ljós­myndir sem hún hefur tekið að ekki er allt með felldu. Steinunn birti nýverið færslu á Facebook þar sem hún hæð­ist að sveit­ar­stjórn Borg­ar­byggðar en til­efni færsl­unnar er að sögn Stein­unnar yfir­lýs­ing frá síðusta sveit­ar­stjórn­ar­fundi, undir liðnum dýra­vel­ferð­ar­mál:
Umhverfis- og land­bún­að­ar­nefnd – 48Sveit­ar­stjórn hefur ekki heim­ildir til að bregð­ast við ábend­ingum um meint brot á lögum um vel­ferð dýra. Samkvæmt lögum um vel­ferð dýra nr. 55/2013 skal Mat­væla­stofnun hafa eft­ir­lit með vel­ferð búfjár og því er öllum til­kynn­ingum beint til Mat­væla­stofn­unar. Umhverfis-og land­bún­að­ar­nefnd felur deild­ar­stjóra umhverfis-og fram­kvæmda að senda til­kynn­ingu til stofn­un­ar­innar.

Færslu Stein­unnar má lesa hér að neðan:

„Heyrst hefur að:

„á þjóð­há­tíð­ar­degi Íslands, 17.júní ætli sveit­ar­stjórn Borg­ar­byggðar að heiðra sér­stak­lega hina íslensku sauð­kind í hátíð­ar­höldum í Skalla­gríms­garði.Verður það gert með ýmsum hætti.Má nefna að fjall­konan verður ekki í skaut­bún­ingi heldur í sér­stak­lega hönn­uðum bún­ingi sem er úr tví­banda ull ættuð úr Þver­ár­hlíð­inni. Ullin er af kindum sem hafa þolað því­líkt harð­ræði að bera má saman móð­ur­harð­indin við þær raunir sem þær hafa lifað.Sýni­kennsla verður í rún­ingi á kindum sem eru í 2-4 reifum.Mynd sem fylgir er af vænt­an­legum rún­ings­gestum.Einn dag­skrár­lið­ur­inn er í boði Mat­væla­bi­i­ið­stof­unnar (sumir kalla apparatið reyndar Mat­væla­stofnun ). Þar fáum við að kynn­ast hvernig á að holda­stiga sauðfé (hvort kind­urnar eru feitar eða hor­aðar). Sér­stakur heið­urs­gestur er búfjár­eft­ir­lits­maður svæð­is­ins sem leiðir okkur í þann sann­leika.Hátíðin endar svo í alls­herjar ketó­ekki­orgíu. Grilluð verða sér­stök lamba­læri sem hafa ekki vott af fitu. Þeirri athöfn stjórnar sjálfur sveit­ar­stjór­inn. Enda hefur hann und­an­farið látið safna kindum í sveit­inni á þetta grill.Mat­væla­bi­i­ið­stofan biður alla lands­menn að klæð­ast flíkum úr ull á þjóð­há­tið­ar­degi lands­manna þann 17.júní.Heiðrum með þeim hætti sauð­kind­ina sem hefur fætt okkur og klætt frá upp­hafi vega“.Deilið lömbin mín góð svo sem flestir geti notið þess­arrar sér­stöku hátíðar …JARMEN“