Trjágrein kostaði 43 þúsund: „Þarf að huga að því hvort að reikningurinn er á sanngjörnum nótum“

Ingi­mundur Þór Þor­steins­son íbúi í Kópavogi rak upp stór augu þegar hann skoð­aði reikn­ing frá Garðlist hf.. Fyr­ir­tækið var fengið til að klippa og fjar­lægja trjá­grein á lóð hans vegna trygg­ing­ar­máls. Öðrum sem víti til varn­aðar birti hann færslu á Facebook:

„Ef að ein­hver þarf að láta saga eina grein af tré hjá sér þá kostar það kr 43.524. Það mið­ast við að hún sé í axl­ar­hæð, ekki sver­ari en 7 cm og að verkið taki innan við 10 mín á staðnum. (Ég saga reyndar mínar greinar sjálfur en þetta var trygg­ing­ar­mál eins und­ar­lega og það hljómar)“

Með færsl­unni birti hann afrit af reikn­ingnum og við­brögðin stóðu ekki á sér. Þó nokkrir hafa gefið til kynna að þeir eigi við­líka reynslu af fyr­ir­tæk­inu.

Afrit reikn­ings­ins vegna klipp­ingar á trjá­grein­inni.

Sund­ur­liðun reikn­ings­ins sýnir að tvær klukku­stundir hafi verið not­aðar til verks­ins og verðið við klipp­ingu grein­ar­innar því 20.200 krónur. Akst­urs­gjaldið er 6.800 krónur. Förg­un­ar­gjald trjá­grein­ar­innar er 2.200 krónur. Verk­færa­gjaldið 5.900 krónur.

Mannlíf ræddi við Ingimund sem þekkir vel til fyr­ir­tækja­rekst­urs og áttar sig á umfangi þess að reka stærra fyr­ir­tæki. Hann veltir samt fyrir sér hvort ein­hver villa hafi verið gerð eða hvort þetta sé lág­marks­gald hjá fyr­ir­tæk­inu. Enda er það vel­kunn­ugt að í stærri fyr­ir­tækjum séu boð­leiðir frá bók­halds­deild­inni til þess er vinnur verkið oft langar. Einnig bendir hann á að hugs­an­lega gæti verið um fyr­ir­framá­kveðið start­gjald að ræða. Í svari sínu segir Ingi­mundur:

„Sem sagt eng­inn sem þarf að huga að því hvort að reikn­ing­ur­inn er á ein­hverjum sann­gjörnum nótum eins og t.d. verk­færa­gjald upp á 5.900 þegar það má kaupa nýja hand­sög fyrir það verð en svo má líka kaupa 18 V keðju­sög fyirir 98.000.“

Ingi­mundur þykir verð­lagn­ing ríf­leg og til að setja hlut­ina í sam­hengi segir að lokum:

„Hvað ætli það mundi kosta að fá garð­yrkju­fyr­ir­tæki til að passa börn í 8 klst. Hver yrði reikn­ing­ur­inn í lok mán­að­ar­ins. Kannski ætti ég frekar að fá leik­skóla­kenn­ara til að saga grein­ina. Ég veit bara að leik­skóla­kenn­ar­inn mundi finna fyrir því að borga 43.000 fyrir að láta saga eina grein.“

Viðbrögð frá Garðlist

Í sam­tali við Garðlist feng­ust þær útskýr­ingar að reikn­ing­ur­inn hafi verið sendur á rangan aðila: „Reikn­ing­ur­inn var gef­inn út á fyr­ir­tæki en var óvart sendur á vit­lausan mann. Hann auð­vitað átti aldrei að fá neinn reikn­ing.“

Umfang verk­efna eru mis­mun­andi og þau stór. Sjaldan ber­ist svo lítil verk­efni sem og í til­viki sem þessu nema hugs­an­leg trygg­inga­mál.

„Það auð­vitað kostar alltaf að fara á stað í eitt­hvað verk­efni,“ útskýrir tals­maður Garð­listar og bendir á að sama gjald gæti verið tekið fyrir að sinna trjá­klipp­ingu litlum garði eins og útkall fyrir eina grein.

Aðspurður út í tíma­gjaldið sem gefið var upp í reikn­ingnum, þar sem rukk­aðar voru tvær klukku­stundir í klipp­ing­una sjálfa, útskýrir tals­mað­ur­inn að ávallt séu sendir út tveir menn þegar kemur að klipp­ingu trjá­gróð­urs, örygg­is­ins vegna. Þess auki er lág­marks­gjaldið ein klukku­stund og segir að mest­megnið af tím­anum í litlum verk­efnum fari í akstur á milli staða. Aðspurður hvað liggi að baki akst­ursliðnum segir hann að undir hann falli bif­reiðin, við­hald, rekstur hennar og elds­neyti. Varðandi verk­færa­gjaldið falli þar undir trá­klippur, stigi og kerra.

Garðlist bendir jafn­framt á að sjálf­sagt sé að veita áhuga­sömum við­skipta­vinum kostn­að­ar­á­ætlun áður en verkið er hafið.