„Við vorum á leiðinni út að JL-húsi og út á Nes og fórum eftir Hringbraut. Þá tók ég eftir strætisvagni sem fór mjög hratt og var merktur ekki á leið“ segir ónafngreindur viðmælandi við DV um furðulega framgöngu vagnstjóra hjá Strætó.
Viðmælandinn lýsir því hvernig ferðamenn hafi verið komnir í háska vegna aksturlagsins: „Hann fór síðan í ytri hring inn í hringtorgið og keyrði í veg fyrir túrista þar sem stoppuðu bara fyrir honum því hann fór svo hratt.“
Félagi og viðmælandi ákváðu að veita vagninum eftirför út á Seltjarnarnes og lýsir hann hvernig þeir hafi verið langt yfir leyfilegum hámarkshraða:
„Við vorum á 80-90 en hann fór svo hratt að hann stakk okkur af.“
Þeir félagar náðu loks í skottið á honum og spurðu hann hvers vegna hann hagaði sér svona. Vagnstjórinn hafi þá fyrirskipað þeim á ensku að tala ensku. Viðmælandinn segir hann hafa verið dónalegan og úrillan og spurt hann hvað hann væri að ónáða sig.
„Þegar ég gekk burtu tók ég mynd af vagninum og þá gaf hann mér fingurinn.“
Samkvæmt fréttinni hefur maðurinn sett sig í samband við framkvæmdastjóra Strætó vegna málsins og er það til athugunar.
Athugasemdir