Fjórir gistu fangageymslur lögreglu en mál þeirra þarfnast frekari rannsóknar. Ástand þeirra var þess eðlis að þeir voru óviðræðuhæfir og ekki hæfir til að vera innan um fólk.
Blíðviðrið í gær gerði það að verkum að töluverður fjöldi fólks safnaðist saman í miðborginni. Fjöldi hávaðaútkalla var sinnt vítt og breytt um umdæmið.
Áttavilltur og ráðalaus drykkjumaður leitaði veskis síns. Sá hinn sami hafði lognast út af á ölstofu og sofið værum svefni í ólátunum. Öryggismyndbönd staðarins verða skoðuð og kannað hvort að um rán hafi átt sér stað.
Lögreglan aðstoðaði ökumann sem ók með kerru í afturdragi á bifreið sinni. Kerran hafði losnað og rúllað út af veginum. Mest mildi þykir að atvikið olli ekki skaða né tjóni.
Frá eftri byggðum barst tilkynning um ungmenni að skemma skólahreystibraut við grunnskóla. Önnur tilkynning barst að verið væri að skjóta upp flugeldum á skólalóð. Ekki kom fram hvort um sama skólann væri um að ræða.
Töluvert var um að lögreglan mátti hafa afskipti af ökumönnum sem voru undir áhrifum vímugjafa eða óku of geyst. Samkvæmt dagbók lögreglu frá klukkan 17:00 til 05:00. 97 mál voru skráð í lögreglukerfinu.
Athugasemdir