Helgi Björns rifbeinsbrotinn: „Ófær um að syngja eða klífa fjöll“

Tón­list­ar­mað­ur­inn Helgi Björns er óvinnu­fær eftir að hann féll og rif­beins­brotn­aði um sein­ustu helgi. Helgi var í sum­ar­bú­stað sínum þegar óhappið varð. Framan af fann hann ekki til mik­illa verkja en í morgun kom á dag­inn að hann var rif­beins­brot­inn. Læknir söngv­ar­ans lýsti hann óvinnu­færan. Það setur strik í reikn­ing­inn. Helgi átti að vera með skemmtun í Fjárhúsi Ferða­fé­lags Íslands á Val­geirs­stöðum annað kvöld. Þeirri skemmtun hefur verið frestað þar til sein­ustu helg­ina í júlí.

„Þetta er ömur­legt. Ég var búinn að hlakka mikið til að koma í Árnes­hrepp. Ég er ófær um að syngja eða klífa fjöll. Ég stefni að því að koma eftir mánuð í stað­inn,“ sagði Helgi við Mannlíf síð­degis. Helgi hafði meðal ann­ars stefnt að því að klífa fjallið Glissu í ferð sinni á Strandir. Fjall­gangan bíður eins og kvöld­vakan.

Dag­skráin heldur að öðru leyti. Í fyrra­málið gengur fólk á Glissu og fer síðan í sjó­bað. Á laug­ar­dag­inn verður gengið á Urð­ar­t­ind og grillað að kveldi. Á sunnu­dag verður farið í heim­sókn í kirkj­urnar tvær og Galdra­stíg­ur­inn að Kistu­vogi geng­inn. Göng­urnar eru í boði Ferða­fé­lags Ísland og þátt­tak­endum að kostn­að­ar­lausu.