Helga Vala hjólar í Bjarna Ben: „Er engin raunveruleg ráðherraábyrgð í gildi á Íslandi?

Helga Vala Helga­dóttir þing­maður Sam­fylk­ing­ar­innar kallar eftir ráð­herra­á­byrgð vegna söl­unnar á hlut rík­is­ins í Íslands­banka en skýrsla Fjár­mála­eft­ir­lits­ins var gerð opin­ber í morgun. Skýrlan er væg­ast sagt svört.

„Er engin raun­veru­leg ráð­herra­á­byrgð í gildi á Íslandi? Hvað þýðir það að bera laga­lega og póli­tíska ábyrgð? Hafa þau orð ein­hverja merk­ingu?“ skrif­aði Helga Vala á Twitter og hlekkj­aði grein sína um málið á heima­síðu sinni helga­vala.is.

Í nið­ur­lagi grein­ar­innar er Helgu Völu umhugað um hinu meintu ábyrgð Bjarna Bene­dikts­sonar sem fjár­mála­ráð­herra.

„Bæði for­sæt­is­ráð­herra og menn­ingar- og við­skipta­ráð­herra hafa ítrekað sagt fjár­mála­ráð­herra hafa axlað ábyrgð á mis­tökum sínum vegna söl­unnar en laga­leg og póli­tísk ábyrgð fjár­mála­ráð­herra er vand­lega skrifuð í lög um sölu rík­is­ins á fjár­mála­fyr­ir­tækjum. Mistökin við söl­una fólust m.a. í að ekki var gætt jafn­ræðis við söl­una, að veittur var mik­ill afsláttur þrátt fyrir umfram­eft­ir­spurn eftir hlutum í bank­anum á hærra verði og loks því að upp­lýs­inga­gjöf til þing­nefnda og almenn­ings var ábóta­vant. Banka­sýslan ann­að­ist fram­kvæmd­ina en ráð­herra bar að taka ákvarð­anir um hvert ein­asta skref söl­unnar, allt í sam­ræmi við meg­in­reglur lag­anna um hlut­lægni, hag­kvæmni og jafn­ræði. Það gerði hann ekki og á því ber fjár­mála­ráð­herra ábyrgð. Hann ber líka ábyrgð á slökum vinnu­brögðum und­ir­stofn­unar sinnar, banka­sýsl­unnar, skv. almennum reglum stjórn­skip­un­ar­rétt­ar­ins.“

Að lokum spyr hún ein­fald­lega:

„Mun hann axla þá ábyrgð?“