Segir ríkisstjórnina hafa virt þjóðarvilja að vettugi í bankasölunni: „Frekar slappur brandari“

Illugi Jök­uls­son bendir á að meiri­hluti þjóð­ar­innar hafi verið á móti sölu hluta rík­is­ins í Íslands­banka í fyrra.

Í nýrri færslu á Facebook bendir rit­höf­und­ur­inn og fjöl­miðla­mað­ur­inn Illugi Jök­uls­son á þá stað­reynd að sam­kvæmt skoð­ana­könn­unum sem gerðar voru í fyrra hafi and­staða þjóð­ar­innar við sölu á hlut rík­is­ins í Íslands­banka, komið ber­sýni­lega í ljós en að yfir­valdið hafi hundsað það. Þá segir hann að Bjarni Bene­dikts­son fjár­mála­ráð­herra hefði aldrei átt að ann­ast þá sölu.

Færsluna má lesa hér að neðan:

„Áður en lengra er haldið, þá er rétt að minna á að allar skoð­ana­kann­anir gáfu til kynna að meiri­hluti þjóð­ar­innar — eig­andi að stærstum hluta Íslands­banka — væri alveg á móti sölu á hlut bank­ans í fyrra. Katrín, Sigurður Ingi og Bjarni virtu þann þjóð­ar­vilja að vettugi, eins og venju­lega. Burtséð frá öllu öðru, þá átti sem sagt aldrei aldrei að selja þennan hlut á þeim tímapúnkti. Og auð­vitað átti Bjarni Bene­dikts­son aldrei að ann­ast þá sölu. Í sið­væddum löndum hefði sú stað­reynd hefði verið talin frekar slappur brand­ari.“