Steinunn um mál Jakubs: „Manneskjan sjálf og náttúran er einskis virði gagnvart blindum hrokanum“

Mikil reiði er í sam­fé­lag­inu eftir að sagt var frá því í kvöld­fréttum Rík­is­út­varps­ins í gær að ungur öryrki, Jakub Polkowski standi eftir alls­laus eftir að sýslu­mað­ur­inn á Suð­ur­nesjum sam­þykkti nauð­unga­sölu á ein­býl­is­húsi Jakubs, sem hann hafði stað­greitt með bótum sem hann fékk eftir lækna­mis­tök sem gerð voru er hann var 13 ára.

Steinunn Ólína Þor­steins­dóttir, leik- og sjón­varps­kona er ein af þeim sem hefur tjáð sig um málið á sam­fé­lags­miðlum í gær og í dag. Segir hún að málið sýni skýrt „hvernig komið er fram við fólk og firði sem hafa ekki stöðu, rödd, krafta eða fjár­magn í íslensku sam­fé­lagi.“ Færsluna má lesa hér að neðan:

„Þessi aðför að hús­eig­and­anum er ljós­mynd af því hvernig komið er fram við fólk og firði sem hafa ekki stöðu, rödd, krafta eða fjár­magn í íslensku sam­fé­lagi. Mann­eskjan sjálf og nátt­úran er einskis virði gagn­vart blindum hrok­anum sem skilur ekki að ef þján­ingin er af þínum völdum þá hef­urðu tapað öllu því sem dýr­mætt er. Með ósk um að þessi fjöl­skylda fái aðstoð við að verja sig.“