Elísabet Jökulsdóttir var rekin úr Menntaskólanum á Ísafirði fyrir að reykja hass og sofa hjá strákum, aðeins degi fyrir próf.
Elísabet Jökulsdóttir, ljóðskáld og rithöfundur, var í viðtali í þættinum Mannlegi þátturinn á Rás 1 í fyrradag. Þar ræddi hún um ýmislegt sem á daga hana hefur drifið enda hefur hún frá ótrúlega mörgu áhugaverðu að segja og gerir það á sinn einstaka hátt. Eitt af því sem hún sagði frá var það þegar Jón Baldvin Hannibaldsson, sem þá var skólameistari Menntaskólans á Ísafirði, rak Elísabetu úr skólanum einungis degi fyrir lokapróf. Ástæðurnar voru hassreykingar, léleg mæting og það sem í þá daga kallaðis sjálfsagt lauslæti en í dag bara heilbrigðar tilraunir með kynvitund og orkuskipti. Gefum Elísabetu orðið:
„Ég fór í Menntaskólann á Ísafirði en Jón Baldvin rak mig þaðan fyrir að sofa hjá strákum og reykja hass og mæta ekki í skólann. Mér fannst ég alltaf svo ljót þegar ég leit í spegil svo ég hugsaði „Ég get ekki mætt í skólann svona ljót“. Þannig að ég var með rosalega útlitsþráhyggju. Og svo þegar það voru að koma próf var ég búinn að mæta svo lítið og í staðinn fyrir að leyfa mér að taka prófin og sjá hvað ég gæti þá rak hann mig degi fyrir próf. Og allt í lagi með það sko en kannski hefði hitt ekkert verið betra ég veit það ekki, að ég hefði fengið að taka prófin. Ég fór norður á Strandir og var þar síðan. Og svo fór ég í Neskaupsstað til að fara í fimmta bekk og svo fór ég aftur á Ísafjörð í annan bekk en þá var Bryndis skólastjóri. En síðan varð ég ástfangin og hætti öllum skólahugleiðingum og ætlaði eitthvað að fara í MR en ég var svo rosalega ástfangin að það þýddi ekki neitt.“
Athugasemdir