Skilur ekkert í ánægju ÓIafs Ragnars vegna sölu Kerecis: „Guggan verður áfram gul“

Gunnar Smári Egilsson furðar sig á ánægju Ólafs Ragnars Gríms­sonar vegna sölu eins fyr­ir­tækis á öllum hluta­bréfum í Kerecis á Ísafirði.

Ólafur Ragnar sagði í við­tali við Stöð 2 að mögu­lega væri þetta stærsti dagur í lífi hans en hann fékk ekkju Steve Jobs til að fjár­festa í Kerecis en for­set­inn fyrr­ver­andi er gam­all Ísfirð­ingur.

Sós­í­alista­for­ing­inn Gunnar Smári skilur ekki gleði Ólafs Ragnars vegna söl­unnar. Segir hann að þetta muni bæta „ekk­ert stöðu fólks á Ísafirði né ann­ars staðar.“ Bætti hann við: „Það eina sem ger­ist er að nýir eig­endur borga út þá fyrri. Og vilja fá arð upp úr fyr­ir­tæk­inu til að rétt­læta kaup­verðið.“

Færsluna má lesa hér að neðan:

„Ég skil ekki hvers vegna Ólafur Ragnar er svona ánægður yfir að eitt fyr­ir­tæki keypti öll hluta­bréf í Ker­ec­is? Þetta bætir ekk­ert stöðu fólks á Ísafirði né ann­ars staðar. Það eina sem ger­ist er að nýir eig­endur borga út þá fyrri. Og vilja fá arð upp úr fyr­ir­tæk­inu til að rétt­læta kaup­verðið. Það eru mörg dæmi um það um allan heim að einmitt svona tíma­mót hafi verið til hins verra fyrir starfs­menn fyr­ir­tækja og sam­fé­lagið þar sem fyr­ir­tæki eru.“

Þór Saari, fyrrum þing­maður skrif­aði athuga­semd við færsl­una, sem birt­ist á vegg Sós­í­alista­flokks Íslands: „Arðurinn fer svo úr landi. Heitir „erlend fjár­fest­ing“ á fíni­manna­máli.“

Jónína nokkur skrif­aði athuga­semd sem sló í gegn: „Guggan verður áfram gul“