Kröftugur kennari sem vill góða þjónustu: „Ég er ekki oft að endurnýja fataskápinn minn“

Íris Kristín Smith, kenn­ari í Álfta­mýr­ar­skóla, er neyt­andi vik­unnar. Eig­in­maður hennar er Þor­valdur Ein­ars­son, píp­ari, og saman eiga þau tvö börn. Íris er 29 ára gömul og finnst skemmti­leg­ast að lyfta lóðum og fylgj­ast með íþróttum, sér­stak­lega hand­bolta.

Gerir þú verðsamanburð á vörum og þjónustu?

Ég hef gert það af og til í gegnum tíð­ina og er frekar vana­föst á því hvar ég versla og það fer algjör­lega eftir verði og þjón­ustu. Því lægra verð því betra en þar verður einnig að vera góð þjón­usta.

Hvernig sparar þú í matarinnkaupum?

Ég hef því miður enga töfra­lausn á því, en ég reyni að kaupa frekar svipað í mat­inn og veit hvað börnin mín vilja.

Endurnýtir þú? Ertu með ráð til annarra?

Það helsta sem ég end­ur­nýti eru fötin, ég geymi flest föt sér­stak­lega á börnin mín ef þau eru orðin of lítil í kassa svo yngra barnið geti notað þau. Einnig fæ ég oft föt af eldri frændsystk­inum fyrir eldra barnið. Ég hef end­ur­nýtt mikið af eignum frá ömmu minni eins og borð­stofu­borð og skenk, mál­verk, glös, bolla o.fl. 

Hvað hefur þú í huga þegar þú kaupir mat, fatnað og gjafir?

Það sem ég er með í huga þegar ég kaupi gjafir er að þetta sé eitt­hvað snið­ugt og eig­an­legt sem hægt er að nota eða jafn­vel gefa áfram. Í fatn­aði reyni ég að kaupa frekar dýr­ari vörur sem end­ast lengur, ég er ekki oft að end­ur­nýja fata­skáp­inn minn en ef ég geri það þá fer ég í gegnum það sem ég nota lítið eða ekk­ert og gef áfram í Rauða Krossinn. 

Hverju átt þú erfiðast með að draga úr kaupum á?

Það sem ég á erfitt með að draga úr kaupum á er lík­leg­ast til­bú­inn matur.

Skiptir umhverfisvernd þig máli?

Umhverf­is­mál skipta mig máli og reyni ég að gera það sem ég get til að hjálpa til eins og að flokka, labba/hjóla, keyra raf­magns­bíl o.fl.

Annað sem þú vilt taka fram?

Nei