Amma Ingunn safnar fyrir útför Iyönnu sem var skotin til bana – Móðirin harmi slegin

Ingunn Ása Ingva­dóttir safnar fyrir útför dótt­ur­dóttur sinnar, Iyanna Brown, sem skotin var til bana í Detroit á fimmtu­dag­inn síð­ast­lið­inn. DV greindi frá. Iyanna var ein­ungis 23 ára að aldri. Rík­is­lög­reglan fer nú með rann­sókn máls­ins en hefur engan grun­aðan og er fjöl­skyldan harmi slegin.

Í sam­tali við blaða­mann DV segir Ingunn að Iyanna hafi verið fal­leg sál, fyndin, vel gefin og fært fjöl­skyldu sinni ómælda gleði. Hún hafi verið dásam­legt barna­barn og líka frá­bær dóttir. Ingunn útskýrir að með árunum hafi hún jafn­framt verið besta vin­kona móður sinnar. Áttu þær mæðgur, Iyanna og Ester, kær­leiks­ríkt sam­band.

Í við­tali í sjón­varps­fréttum Stöðvar tvö er rætt við Ingunni og hún útskýrir aðstæður dóttur sinnar, Esterar, sem er ein­stæð móðir með lítið sem ekk­ert bak­land þar ytra. Ester starfar við hjúkrun og er banda­ríska vel­ferð­ar­kerfið ekki sterkara en það að Ester hlýtur fimm syrgð­ar­daga. Hún er eina fyr­ir­vinna barna sinna og búa þau við þröngan kost.

Iyanna Brown bjó um stund með móður sinni á Íslandi og gekk í leik­skóla í Hafn­ar­firði.

Aðdrag­andi skotárás­ar­innar er óljós en Iyanna var stödd í bif­reið þegar hún varð fyrir skot­inu. Hún var flutt á nær­liggj­andi sjúkra­hús þar sem hún lést af áverkum sínum.

Óskað er eftir stuðn­ingi við útför Iyönnu Brown hér