Íslenskur rappari dæmdur fyrir ræktun og sölu fíkniefna

Tón­list­ar­mað­ur­inn 24/7, sem heitir réttu nafni Hafþór, hlaut dóm í Hér­aðs­dómi Reykja­ness fyrir fíkni­efna­laga­brot. 98 kanna­bis­plöntur fund­ust í vörslu Hafþórs. Hann hafði staðið í ræktun í nokkurn tíma

„Fyrir  fíkni­efna­laga­brot,  með  því  að  hafa  föstu­dag­inn  13.  maí  2022  í  íbúð og bíl­skúr að […]haft  í  vörslum  sínum  í  sölu og  dreif­ing­ar­skyni  98 kanna­bis­plöntur og hafa  um  nokk­urt  skeið  ræktað  greindar  plöntur  og  haft í  vörslum  sínum  0,47  g  af marí­húana, sem lög­reglu­menn fundu við leit í íbúð­inni og bíl­skúrnum.“

Plata Hafþórs sem ber nafnið FM 24/7 naut tals­verða vin­sælda þegar hún kom út árið 2019. Hafþór hefur gefið út tón­list með röpp­urum á borð við Yung Nigo Drippin, Daniil og Birgi Hákon.

Hafþór ját­aði brotið við fyr­ir­töku máls­ins þann 4.júlí síð­ast­lið­inn. Í dómnum segir að hann eigi nokkurn saka­feril að baki, allt frá árinu 2015. Fer­ill­inn sam­anstendur af fíkni­efna­laga-, umferð­ar­laga, og hegn­ing­ar­laga­brotum. Hann hefur ekki áður gerst sekur um vörslu fíkni­efna í sölu- og dreif­ing­ar­skyni.

Í júlí árið 2019 var Hafþór dæmdur í 30 daga fang­elsi fyrir lík­ams­árás. „…kastað raf­kerti í and­lit hennar og  hrint  henni  í  sófa  með  þeim  afleið­ingum að hún hlaut mar og yfir­borðsá­verka yfir vinstra kinn­bein og tognun á brjóst­hrygg,“ segir í dómi Hér­aðs­dóms Reykja­víkur.

Fyrir fíkni­efna­laga­brotið hlaut hann fimm mán­aða skil­orðs­bund­inn fang­els­is­dóm. Honum var einnig gert að greiða ríf­lega hálfa milljón í sak­ar­kostnað.