Mygla á hjúkrunarheimili eykur álag á heilbrigðiskerfið: „Þetta gerist bara einfaldlega of hægt“

Teitur Guð­munds­son, for­stjóra Heilsu­verndar, er orð­inn lang­þreyttur á töfum sem hafa orðið á fram­kvæmdum á hjúkr­un­ar­heim­il­inu Hlíð á Akureyri.

„Okkur þykja taf­irnar vera óásætt­an­legar, sér­stak­lega vegna þess að þjón­ustan skerð­ist á sama tíma og ekki er gengið fram með að lag­færa það sem þarf að lag­færa. Og þetta er allt saman eitt­hvað sem hefur legið fyrir mjög lengi,“ sagðir Teitur í sam­tali við RÚV en ástæða fram­kvæmd­anna er mygla sem upp­götv­að­ist á síð­asta ári.

Síðan þá hefur starf­semi hjúk­un­ar­heim­il­is­ins verið skert og félagið tapað tekjum. „Við höfum auð­vitað fært rök fyrir því líka að það sé afar ein­kenni­legt að menn líti þannig á að vanda­málið sem skap­ast eigi að vera á okkar borði, við getum auð­vitað ekki borið ábyrgð á því sem aðrir hafa gert eða ekki gert,“ sagði Teitur.

Teitur segir ennþá sé verið að bíða eftir fram­kvæmda­á­ætlun.

„Ég hef átt í mjög góðum sam­skiptum við bæði ríki, sveit­ar­fé­lag og sjúkra­trygg­ingar og ráðu­neyti og það er alveg skiln­ingur á mál­unum en þetta ger­ist bara ein­fald­lega of hægt og fyrir það líða fyrst og fremst aldr­aðir og þjón­usta fyrir aldr­aða á Akureyri.“

 „En það dugar bara ekki til til þess að í raun ná utan um vand­ann þannig að sjúk­lingar teppa deildir á spít­al­anum, kom­ast ekki út af sjúkra­hús­inu á Akureyri og við getum ekki tekið inn eins og ætti að vera hægt. Og allt þetta skapar auð­vitað álag á bara kerfið í heild sinni,“ sagði Teitur og ljóst sé að þetta ástand skapi meira álag á heil­brigð­is­kerfið.