Mikil skjálftavirkni er við Torfajökull og sumir óttast eldgos á svæðinu.
„Eins og er á öllum okkar gosbeltum þá er skjálftavirkni og hreyfingar um plötuskilin oft tengt kvikuhreyfingum. En hvað varðar Torfajökul er hann virk eldstöð og þetta er stærsta eldstöð landsins sem býr til öflugt sprengigos,“ sagði Þorvaldur Þórðarson, eldfjallafræðingur, í viðtali við Morgunblaðið en jarðskjálftahrina hófst nú um helgina við Torfajökul og hafa mælst 80 skjálftar við hann frá því að sunnudaginn. Sá stærsti mældist 3,2 á stærð.
„Það er ansi mikið gjóskufall og aflið í þessu gosi hefur verið á pari við það sem var í Öskjugosinu 1875. Torfajökull getur búið til ansi öflugt sprengigos,“ sagði Þorvaldur um málið. Hann mælir ekki með því að fólk sé að ferðast mikið á svæðinu.
„Staðurinn er vinsæll ferðamannastaður og á meðan ástandið er eins og það er núna er það mín skoðun að það sé ekki það skynsamlegasta sem við gerum að vera með marga ferðamenn inn á Öskjusvæðinu.“
„Ef þetta verður sprengigos getur það byrjað snöggt, lítill viðbragðstími, og ef svo er og það er mikið af fólki á svæðinu er ekki spurt að leikslokum. Það er eitthvað að gerast inni í Öskju og ef við fáum sprengigos þarna þá er eins gott að enginn sé nálægt þegar þar byrjar.“ sagði Þorvaldur um mögulegar hættur ef fer að gjósa.
Athugasemdir