Veltir fyrir sér auðlindum Reykjaness: „Tíð eldgos eru líkleg til að breyta ýmsu“

Björn Birg­is­son veltir fyrir sér síbreyti­legu Reykja­nesi í nýrri færslu í dag.

Sam­fé­lags­rýn­ir­inn kjarn­yrti Björn Birg­is­son skrif­aði Facebook-færslu í dag þar sem hann velti fyrir sér hinu síbreyti­lega Reykja­nesi en þar hefur gosið reglu­lega síð­ustu ár með til­heyr­andi breyt­ingu á lands­lagi. Þá velti hann því einnig fyrir sér hvort þær verð­mætu auð­lindir sem háhita­svæði séu, muni vara að eilífu en segir að tíð eld­gos geti haft áhrif á slíkt.

Færsluna má lesa hér að neðan:

„Lifandi Reykja­nes.

Nú er þriðja eld­gosið á Reykja­nesi á þremur árum að fjara út.Afskap­lega lík­legt er að stutt sé í það fjórða og síðan koll af kolli.Okkur er sagt að sam­kvæmt hefð­inni í jarð­sög­unni þá sé hafið nýtt eld­gosa­tíma­bil á svæð­inu eftir yfir 800 ára hvíld og kyrrð.Gömlu hraunin hafa náð að safna mosa og eru ekki lengur kolsvört, en það eru þau nýju svo sann­ar­lega, í ein­kenn­i­slit þess Kölska sem kyndir ofn­ana í neðra.Þótt eld­stöðvar Reykja­ness­ins hafi haft hægt um sig í yfir átta aldir þá hefur víða bullað og kraumað undir yfir­borð­inu allan tím­ann.Eðlilega hafa háhita­svæði verið virkjuð með frá­bærum árangri og hér er heitt vatn til allra hluta, hús­hit­unar, í sund­laugar, í heita potta, til allra þvotta – hreint og beint ómet­an­lega verð­mæt auð­lind.Er hún var­an­leg og gef­andi til eilífð­ar­nóns?Það veit í sjálfu sér eng­inn með neinni vissu, en tíð eld­gos eru lík­leg til að breyta ýmsu – ýmsu sem talið er sjálf­gefið nú, en kann að raskast með litlum eða engum fyr­ir­vara.Drottinn gaf og drott­inn tekur.**********Á mynd­inni er Gunnu­hver og hann er í sjálfu sér eitt kennslu­bók­ar­dæmi um hversu lif­andi Reykja­nesið er og í raun við­kvæmt fyrir utan­að­kom­andi áhrifum.Þegar bor­anir hófust eftir heitu vatni fyrir Reykja­nes­virkjun var Gunnu­hver lít­ill kraum­andi hver í nágrenn­inu, suðu­pottur, aðgengi­legur án áhættu.Nú er Gunnu­hver eins og myndin sýnir!Sú breyt­ing er ein­dregið rakin til jarð­bor­ana vegna hinnar nýju virkj­unar.**********Svarts­engi, Krýsuvík, Eld­vörpin, Fagra­dals­fjall, Litli hrútur, Mer­ar­dalur, Gunnu­hver, Keilir ………… og lengi má telja.Þessi staða­heiti og örnefni og mörg önnur munu verða lands­mönnum töm á tungu um langa fram­tíð.Reykja­nesið er sprell­lif­andi!“