Steinunn Ólína ver vin sinn Kára: „Sjálfsábyrgðin er harður húsbóndi“

Steinunn Ólína Þor­steins­dóttir tekur upp hansk­ann fyrir vin sinn, Kára Stef­áns­son, sem nýverið við­ur­kenndi að mögu­lega hefði verið nóg að gefa eldra fólki og fólki með und­ir­liggj­andi sjúk­dóma, bólu­efni gegn Covid-19 veirunni.

Steinunn Ólína.

Játning Kára Stef­áns­sonar, sem var áber­andi þegar heims­far­ald­ur­inn gekk yfir Ísland, hefur vakið mikla athygli á sam­fé­lags­miðlum og eru margir afar reiðir vís­inda­mann­inum, fyrir að mæla með bólu­efnum á sínum tíma, sem mögu­lega hafa valdið fólki tjóni.

Leik­konan Steinunn Ólína Þor­steins­dóttir, vin­kona Kára, skrif­aði langa færslu á Facebook í gær þar sem hún ver vís­inda­mann­inn. Þar segir hún meðal ann­ars að Kári, auk ann­arra lækna hafi gert það sem þeir „töldu rétt að gera miðað við þær upp­lýs­ingar sem þeir töldu þá áreið­an­legar.“ Þá segir hún að hún leggi aldrei „það traust til nokk­urrar mann­eskju að ákveða hvað sé mér fyrir bestu – ég afsala mér aldrei þeirri ábyrgð.“ Segir hún að lokum að sjálfs­á­byrgðin sé eini hús­bónd­inn sem sé óum­flýj­an­legur.

Færslan er hér í heild sinni:

„Eigum við að skjóta Kára Stef­áns­son eða ættum við heldur að skjóta okkur sjálf?

Engin var dreg­inn á hár­inu í bólu­setn­ingar hér á landi þótt til­mæli heil­brigð­is­yf­ir­valda á heims­vísu væru öll í þá átt­ina. Margir völdu að þiggja ekki bólu­setn­ingar. Mér dettur ekki í hug eina mín­útu að Kári, sem er vinur minn, hafi visvít­andi tekið þátt í að valda mann­eskjum skaða í stórum stíl eða í auðg­un­ar­skyni. Hann eins og margir aðrir læknar gerðu það sem þeir töldu rétt að gera miðað við þær upp­lýs­ingar sem þeir töldu þá áreið­an­legar.Ég fund­ar­stýrði ráð­stefnu hjá Geðhjálp í vor – nið­ur­staða þeirrar ráð­stefnu var eða það sem ég dró saman hald­bær­ast úr efni fyr­ir­les­ara – Vitað er að það hjálpar fólki með geð­rænan vanda að vera úti í nátt­úr­unni og geta deilt reynslu sinni með þeim sem hafa liðið fyrir sömu kvilla. SSRI lyfin eru í raun gagns­laus og valda hugs­an­lega breyt­ingum til fram­búðar á heila­starf­semi okkar-þjóðin getur sett sig í lög­sókn­ar­gír­inn!Við vitum að lækna­vís­indin hafa í leit sinni að lækn­ingum oft fálmað ut í myrkrið. Kári gengst við því að vita nú betur – vita nú – og það finnst mér ein­hvers virði.Ég legg ekki það traust til nokk­urrar mann­eskju að ákveða hvað sé mér fyrir bestu – ég afsala mér aldrei þeirri ábyrgð – því ábyrgðin hér­lendis var á end­anum í höndum hvers og eins. Ég valdi að fara i tvær bólu­setn­ingar og sleppti þeirri þriðju. Ég var nógu skelfd í upp­hafi til að fara í bólu­setn­ingu – ég valdi það. Það var ekki áróður Kára sem hvatti mig til þess heldur ótti við dauð­ann eða öllu heldur ótti við að deyja frá föð­ur­lausum börnum. Þegar að þriðju sprautu kom taldi ég og þetta var bara gut til­finn­ing að ég ætti ekki að fara í fleiri – þá fannst mér ég ekki þurfa þess með. Kannski hafði ég bara minni áhyggjur af því að ung­viðið gæti ekki spjarað sig án mín Og þá voru komnar fram upp­lýs­ingar um að nauð­syn bólu­setn­inga allra ald­urs­hópa væri hugs­an­lega umdeil­an­leg og eins og oft áður hefðu lækna­vís­indin farið offari í við­leitni sinni til að bjarga manns­lífum. Ég valdi að fara ekki í fleiri. Ég get ekki lagst í kenn­ing­ar­fræði eða sam­sær­is­rann­sóknir – ég hef ekki áhuga á þeim – ég bara veit að það er fjand­anum erf­ið­ara að taka ábyrgð á eigin gjörðum – og enn erf­ið­ara að standa með sjálfum sér haldi maður að ákvarð­anir þær sem maður hefur tekið séu rangar, án þess að finna til blóra­böggul til að hengja vandan á. En það þarf hver mann­eskja að gera ef hún vill vera heil gagn­vart sjálfum sér. I told you so fólkið er ekk­ert að gera nema upp­hefja sjálft sig og pússa sitt eigið egó. Það gagn­ast engum ekki einu sinni þeim sjálfum. Nægar eru geð­bólg­urnar! Mér hugn­ast illa þegar fólk er til­búið til að afsala sér sjálfs­á­byrgð og finna til söku­dólga í frið­þæg­ing­ar­skyni. Lækna­vís­indin eru lif­andi eins og listin – lotn­ing fyrir þeim er býsna mikil þrátt fyrir að við vitum að margt sem gert er í lækn­inga­skyni er bara leit í myrkri. Fólk ætti í rík­ara mæli að treysta inn­sæi sínu – margir gerðu það í trássi við skoð­anir og til­mæli ann­ara. Kannski var það rétt? Það fólk ætti að standa með sjálfu sér án þess að ráð­ast að þeim sem voru að vinna sitt starf af heið­ar­leika og í góðri trú, þvi að það er ég sann­færð um að Kári hafi gert og hlífa okkur hinum sem völdum að þiggja bólu­setn­ingar. Við höfum ekk­ert gagn af því að vera sagt að við séum asnar – okkur verður það kunn­ugt fyrr en síðar – ef sú er reyndin. Ekki vitum við allt enn. Sjálfs­á­byrgðin er harður hús­bóndi en eini hús­bónd­inn sem er óum­flýj­an­legur. Að trúa öðru er blekk­ing.“