Segja föðurbróðir Ásmundar Einars hafa ekið á föður sinn: „Valdimar ók þá á hliðið sem gaf eftir“

Harðar fjöl­skyldu­deilur standa í Dala­byggð vegna umsvifa og gjörða Daða Ein­ars­sonar og sonar hans, Ásmundar Einars Daða­sonar ráð­herra. Deilt er um jörð­ina Lamb­eyrar sem var í eigu átta systk­ina, afkom­enda Einars Valdi­mars Ólafs­sonar.

Jörðin fór á upp­boð eftir að Daði hafði skuld­sett eign­irnar upp í rjáfur. Í fram­haldi af upp­boð­inu leystu þrjú af fyrr­ver­andi eig­endum jörð­ina til sín og eru nú lög­legir eig­endur hennar. Síðan hefur ríkt stríðs­á­stand með mála­ferlum og kæru­málum. Ráð­herr­ann núver­andi er sak­aður um inn­brot í hús sem feðgarnir byggðu á sínum tíma á jörð­inni. Faðir hans er sak­aður um skemmd­ar­verk. Lögregla hefur verið kölluð til en aðhefst að sögn ekki.

Skúli Ein­ars­son, bróðir Daða, er eitt syskin­anna sem leystu til sín jörð­ina. Eftir að deilur hafa staðið árum saman ákváðu dætur hans að grípa til þess örþrifa­ráðs að stofna hlað­varp til þess að lýsa sinni hlið á mál­inu. Nafn hlað­varps­ins er Lömbin þagna ekki. Fyrsti þátt­ur­inn var sendur út í nótt. Syst­urnar þrjár rekja þar atburða­rás sem er vægt sagt mögnuð og hlaðin ógn­ar­við­burðum og áhuga­leysi yfir­valda. Lýst er inn­broti Ásmundar Einars í íbúð­ar­hús á jörð­inni. Þá segir frá því að hlassi af skít var sturtað við húsið. Ása segir að syst­urnar hafi ekki séð aðra leið færa en stofna hlað­varpið.
Nýr þáttur af hlað­varp­inu var birtur í dag. Þar segja syst­urnar frá eig­anda­fundi sem hald­inn er árlega og fór fram þann 3.ágúst síð­ast­lið­inn. Valdimar Ein­ars­son, föð­ur­bróðir Ásmundar Einars sat fund­inn fyrir hönd bróður síns.

„Eftir eig­enda­fund 3. ágúst s.l. að Dönu­stöðum gleymdi pabbi okkar tösku (með far­tölvu og skjölum) í Dönu­staða­bænum.

Valdimar Ein­ars­son tók tösk­una í vitna við­ur­vist og áttu þau sem það sáu von á því að hann myndi skila tösk­unni strax til Skúla. Það gerði hann ekki. Daginn eftir fékk pabbi stað­fest að Valdimar hafi tekið tösk­una. Skúli reyndi að hringja í Valdimar en var ekki svarað. Eftir að breyta öllum lyk­il­orðum, þá ákvað hann að fara vestur til þess að freista þess að end­ur­heimta tösk­una. Ása var með í för.

Valdimar, ásamt bróður sínum Daða Ein­ar­syni (faðir ráð­herra), var á leið í hey­skap í Skógskot. Enn var reynt að hringja í Valdimar en hann svar­aði ekki. Skúli reyndi að fá Valdimar til að stoppa við Skógskot til að ná tali af honum og spyrj­ast fyrir um tösk­una og far­tölv­una sína (sem inni­heldur mik­il­væg per­sónu­leg gögn). Valdimar stopp­aði ekki en keyrði áfram og á Skúla með drátt­ar­vél­inni. Skúli náði að kom­ast aðeins framar og lok­aði hlið­inu að Skógskoti og stóð fyrir aftan það. Valdimar ók þá á hliðið sem gaf eftir og skall á Skúla áður en hann náði að forða sér. Við bendum á að Skúli er með slitna hásin, hann haltrar að stað­aldri, og getur ekki hlaupið eða hreyft sig hratt. Valdimar keyrði áfram, yfir hliðið og eyði­lagði það. Skúli fékk mar á hné, oln­boga og úln­lið. Mikil mildi er að ekki fór verr. Þetta hlið, og Skógskot í heild sinni, er í eigu tengda­for­eldra hans Ásmundar Einars Daða­sonar, ráð­herra Fram­sókn­ar­flokks­ins.“

Myndband af árásinni má sjá hér fyrir neðan.