Gosinu ekki endilega lokið segir Magnús: „Hraunið er sumstaðar svo gríðarlega úfið“

Magnús Tumi Guðmunds­son, jarð­eðlis­fræð­ing­ur, er ekki til­bú­inn til að segja að eld­gos­inu á Reykja­nesi sé lokið.

Þó að sumir vilji segja að eld­gos­inu við Litla-Hrút sé lokið vill Magnús Tumi ekki taka undir það, að minnsta kosti ekki strax.

„Meg­in­at­riðið þegar við horf­um á eld­virkni á Reykja­nesskaga þá koma upp tíma­bil með frek­ar tíðum en ekki mjög stór­um gos­um. Svo koma löng tíma­bil með eng­um gos­um. Sem dæmi kom um Kristni­töku­hraunið í kring­um árið 1000 og svo gerð­ist ekk­ert fram til 1150, það er 150 ára hlé,“ sagði Magnús Tumi í við­tali við mbl.is um málið og ef að eldsum­brot myndu hefj­ast aftur þá væri þetta ennþá sama gosið

„Við sáum það í gos­inu 2021, tveim­ur vik­um eft­ir að gos­inu lauk, þá rann kvika frá Geld­inga­döl­um og niður brekk­una, niður í Nátt­haga í um tvær vik­ur, á milli staða í hraun­inu. Það var ekki eig­in­legt eld­gos held­ur til­færsla. Svo er líka hitt að hraunið er sum­staðar svo gríð­ar­lega úfið, þannig að þar er auð­velt að detta og meiða sig,“