Furðar sig á orðum dómsmálaráðherra: „Þessi mál eru auðvitað eitt risastórt „sagði þér það““

Björn Leví Gunn­ars­son furðar sig á orðum dóms­mála­ráð­herra í tengslum við þrjár konur sem eru fórn­ar­lömb mansals, voru reknar á göt­una af yfir­völdum í gær.

Guðrún Haf­steins­dóttir dóms­mála­ráð­herra tjáði sig um stöðu þriggja fórn­ar­lamba mansals sem í gær var vísað út á göt­una eftir að hafa verið svipt öllum stuðn­ingi af hálfu rík­is­ins. Sagði hún í við­tali við RÚV að hún vildi finna lausn á mál­inu en sagði einnig að engir van­kantar væru að finna í nýju útlend­inga­lög­unum. Á þessu furðar Björn Leví Pírati sig.
„Hvernig er hægt að segja „engir van­kantar“ í einni setn­ingu og „eitt­hvað sem verður að finna lausn á“ í næstu?“ spurði hann í færslu á Facebook. Bendir hann einnig á að málið sé „eitt risa­stórt „sagði þér það“,“ þá sér­stak­lega fyrir Vinstri Græna sem höfðu sagt að sveit­ar­fé­lögin myndu taka við fólki sem missti stuðn­ing rík­is­ins.

Færsluna má lesa hér að neðan:

„Hvernig er hægt að segja „engir van­kantar“ í einni setn­ingu og „eitt­hvað sem verður að finna lausn á“ í næstu?

Þessi mál eru auð­vitað eitt risa­stórt „sagði þér það“ … en sér­stak­lega VG hafn­aði því. Sagði að félags­þjón­usta sveit­ar­fé­laga tæki við þessu fólki. Það er ekki alveg að raun­ger­ast ha?Hvenær má búast við því að fólkið sem sam­þykkti þetta mæti og segi „við höfðum rangt fyrir okkur“? Ég ætla að giska á aldrei. Ég ætla að giska á að þau hafi bara viljað hafa þetta svona og verið að reyna að plata fólk … eða sjálf sig.“