Höfuðkúpubrotnaði á skemmtistað: „Gesturinn var ofurölvi og afleiðingarnar vægast sagt leiðinlegar“

Ofurölvi gestur skemmti­stað­ar­ins Strikið-Casinó í Reykja­nesbæ höf­uð­kúpu­brotn­aði er hann féll úr höndum dyra­varðar og fram af sviði stað­ar­ins.

Aðgerðir dyra­varða skemmti­staðar í októ­ber­byrjun end­uðu með ósköpum þegar öfurölvi gestur á þrí­tugs­aldri sleit sig lausan úr höndum þeirra og féll fram af sviði stað­ar­ins og höf­uð­kúpu­brotn­aði. Þá brákaði hann einnig hryggjaliði. Var hann fluttur á Land­spít­al­ann í Reykja­vík til aðhlynn­ingar en atvikið átti sér stað árið 2000.

DV sagði frá slys­inu á sínum tíma á eft­ir­far­andi hátt:

Féll úr höndum dyra­varða fram af sviði: Höf­uð­kúpu­brot­inn á skemmti­stað – klukkan 6 að morgni

Ofurölvi maður á þrí­tugs­aldri sleit sig úr höndum dyra­varða skemmti­stað­ar­ins Strikið-Casinó í Reykja­nesbæ um síð­ustu helgi og féll fram af sviði stað­ar­ins með þeim afleið­ingum að hann höf­uð­kúpu­brotn­aði og brákaði hryggjar­liði. Maðurinn var fluttur á Land­spít­al­ann í Reykja­vík þar sem hann liggur enn. „Atburð­ur­inn átti sér stað klukkan sex að morgni enda staðir hér opnir fram eftir öllu,“ sagði Jóhannes Jensson, rann­sókn­ar­lög­reglu­maður í Reykja­nesbæ. „Maðurinn mun hafa sofið áfeng­is­dauða inni á staðnum þegar dyra­verðir komu að og ætl­uðu að fjar­lægja hann. Sleit mað­ur­inn sig þá lausan með þeim afleið­ingum að hann féll niður af sviði í tröppur og niður á gólf og höf­uð­kúpu­brotn­aði. Fallið er þó ekki nema um 70 senti­metrar,“ sagði Jóhannes Jensson. Hlynur Vig­fús­son, eig­andi skemmti­stað­ar­ins, harmar atburð­inn: „Þetta var slys. Gest­ur­inn var ofurölvi og afleið­ing­arnar væg­ast sagt leið­in­legar. Ég vona að hann nái sér að fullu.

Því miður fann blaða­maður engar upp­lýs­ingar um afdrif manns­ins sem slas­að­ist en ef les­endur hafa upp­lýs­ingar má alveg endi­lega senda þær á [email protected]