Gunnar segir ýmsar ástæður fyrir verðhækkunum: „Þá yrði þetta fólk væntanlega allt atvinnulaust“

Formaður Bænda­sam­tak­anna telur hækk­andi verð á land­bún­að­ar­vörum eðli­legt.

RÚV birt í gær frétt um verð­sam­an­burð á land­bún­að­ar­vörum og hafa sumar vörur hækkað gíf­ur­lega í verði. Kíló af íslenskum kart­öflum hefur hækkað um 84% frá 2021 og kíl­verð á frosnu lamba­bæri um 50%.

Gunnar Þor­geirs­son, for­maður Bænda­sam­tak­anna, segir margt spila inn í þessar verð­hækk­anir.

„Meg­in­á­stæðan þar er nátt­úru­lega léleg afkoma í land­bún­aði, auknum álögum á úrvinnslu­gjaldi á rúlluplasti, áburða­verð hefur ekki lækkað sem neinu nemur. Það eru ýmsir áhrifa­þættir sem hafa leitt af sér að þetta er ekki eitt­hvað sem bændur taka af eigin fé, því það er nán­ast hverf­andi það sem til er þar,“ sagði Gunnar í við­tali við Vísi um málið. 

„Ef menn ætla að fylgja því sem stendur í búvöru­lögum, að bændur eigi að njóta kjara eins og aðrar stéttir í land­inu, veltir maður fyrir sér hvernig þeir eiga að gera það öðru­vísi en að fá hærra verð fyrir afurð­irnar.“

Margir hafa gagn­rýnt ákvörðun Alþingis að fram­lengja ekki und­an­þágu á tollum á inn­fluttum land­bún­að­ar­af­urðum frá Úkraínu og segja það lyk­il­at­riði í þessu máli.

„Það eru um það bil þrjú þús­und manns sem að vinna við land­búnað og síðan eru átta þús­und afleidd störf í land­bún­aði. Ef galdra­lausnin er sú að flytja allt þetta inn, þá yrði þetta fólk vænt­an­lega allt atvinnu­laust,“ sagði Gunnar í lokin.