Mikið að gera á Landspítalanum undanfarna daga: „Auðvitað óheppi­legt fyr­ir sjúk­ling­ana“

Það er mikið að gera á Land­spít­al­anum að sögn fram­kvæmda­stjóra lyf­lækn­inga- og bráða­þjón­ustu spít­al­ans.

Miklar annir hafa verið und­an­farna daga á Land­spít­al­anum. Meiri aðkoma fólks og fleiri inn­leggj­andi ein­stak­lingar. Hefur það birst með þeim hætti að lengri bið sé á bráða­mót­tök­unni í Foss­vogi.

„Þetta er auð­vitað óheppi­legt fyr­ir sjúk­ling­ana sem þurfa að bíða leng­ur eft­ir þjón­ustu. Þetta er óþægi­legt og það er bið,“ sagði Már Krist­jáns­son, fram­kvæmda­stjóri lyf­lækn­inga- og bráða­þjón­ustu á Land­spít­al­an­um um málið sam­tali við mbl.is.

„Þegar starfs­fólk kem­ur úr sum­ar­leyf­um þá opn­ast upp fleiri rúm en starf­sem­in sem hef­ur þurft að bíða yfir sum­arið eykst um leið. Nú er þetta þannig að það er meira um að vera og birt­ing­ar­mynd­in er á bráða­mót­tök­unni sem hef­ur áhrif á sjúkra­flutn­ing­ana og bið eft­ir sjúkra­bíl.“

Þá þurfi fólk að gera sér grein fyrir að bráða­til­vik séu mis­al­var­leg og eru þau flokkuð í fimm mis­mun­andi flokka.

„Ef það er mjög mikið að gera í for­gangs­flokki 1 og 2 þá bíða hinir. Það hef­ur verið tals­vert um að vera á bráða­mót­tök­unni og það tákn­ar að bið­tím­inn er lengri.“