Haustið er komið – Þessum hlutum skaltu ganga frá áður en lægðin skellur á

Gul við­vörun tekur gildi víða um landið klukkan 21:00 í kvöld en búist er við miklu hvass­viðri. Samkvæmt vef Veð­ur­stofu Íslands er fólk hvatt til þess að ganga frá lausa­munum og stilla af garð­hús­gögn og trampólín. Auk þess er fólk beðið um að huga að nið­ur­föllum til þess að forð­ast vatns­tjón.
Á vef veð­ur­stof­unnar segir:

„Hægt vax­andi suð­aust­an­átt, suð­austan 13-20 m/s og rign­ing seinni part­inn, en hæg­ari og bjart­viðri norð­aust­antil. Suð­austan 18-23 m/s og tals­verð rign­ing í kvöld, en suð­austan 13-18 og rign­ing með köflum norðan- og aust­an­lands. Snýst í suð­vestan 10-18 með skúrum snemma í fyrra­málið, en léttir til norð­aust­an­lands. Hiti 10 til 17 stig.“

„Núna í morg­unsárið er 965 mb lægð um 400 km suð­vestur af Hvarfi sem fer hratt aust­norð­austur til Íslands. Skilin sem fylgja lægð­inni koma að suð­vest­ur­strönd lands­ins seinni part­inn í dag og þeim fylgir suð­austan stormur og rign­ing, tals­verð á köflum. Mik­il­vægt er að huga að nærum­hverf­inu, líkur eru á að lauf­blöð geti rifnað af trjám og eru þau þá fljót að stífla nið­ur­föll. Að sama skapi er stór­streymt í kvöld og í ljósi öldu­hæð­ar­spár og vind­áttar er lík­legt að sjáv­ar­staða verði há áveð­urs, eins og t.d. í Grinda­vík og jafn­vel líka í Þor­láks­höfn.“ Þá er hægt að fylgj­ast með á vedur.is.