Uppnám varð á svæði Grafarvogslögreglu þegar upp kom árásarmál sem fjöldi manns átti þátt í sem gerendur. Alls voru sex manns handteknir og læstir inni í fangaklefum í þágu rannsóknarinnar. Það skýrist svo með nýjum degi hvert framhald málsins verður.
Fyrir utan þá sem handteknir voru í ársásarmálinu voru fjórir til viðbótar vistaðar í fangageymslum vegna ýmissa mála.
Þrír ökumenn voru kærðir fyrir akstur undir áhrifum vímugjafa af ýmsu tagi.
Í austurborginni var gerð tilraun til að fremja rán þegar ráðist var á einstakling. Gerendur höfðu ekkert uppúr krafsinu en þolandi fluttur á slysadeild til aðhlynningar
Almennt séð var rólegt yfir miðborginni, að sögn lögreglu. Líklega skýring er sú að ófriðarseggir og dólgar héldu kyrru fyrir í óveðrinu sem gekk yfir.
Á svæði Kópavogslögreglunnar var tilkynnt um bifreið sem ók á móti umferð. Ökumaðurinn sinnti ekki stöðvunarmerkjum lögreglu og hélt áfram að brjóta umferðarlög. Hann ók utan í tvær bifreiðar og olli skemmdum. Óljóst er hverjar málalyktir urðu þar sem lögregla var enn að störfum þegar atvikið var fært til bókar.
Athugasemdir