Gunnar Smári blokkaði mann um helgina: „Hann er óviðkunnanlegur, ókurteis og uppáþrengjandi dóni“

Gunnar Smári Egilsson blokk­aði mann á Facebook um helg­ina. Ástæðan var að hann var „upp­á­þrengj­andi dóni.“

Sós­í­alista­for­ing­inn Gunnar Smári Egilsson skrif­aði langan pistil á Facebook í gær þar sem hann segir frá því að hann hafi blokkað mann á Facebook í gær. Sagði hann mann­inn hafa byrjað vel. „Hann byrj­aði að senda mér skila­boð og sagð­ist þekkja mig og fjöl­skyldu mína, sagð­ist muna eftir mömmu sem dó snemma í vor.“ En svo fór sam­talið að súrna. „Fór síðan að tala eins og hann þekkti fjár­mál mín, sem hann aug­ljósa gerði ekki, og byrj­aði að ýja að alls­konar. Ég sagði honum að hætta að senda mér þessi skila­boð, en hann hélt áfram. Þá sagði ég honum að ég myndi blokka hann ef hann héldi áfram. Sem hann gerði, svo ég blokk­aði hann.“

Gunnar Smári sagð­ist ekk­ert þekkja mann­inn. „Bara að hann er óvið­kunn­an­legur, ókurt­eis og upp­á­þrengj­andi dóni.“ Restin af pistl­inum fer í að tala almennt um blokk­anir Gunnars Smára á Facebook en hann skoð­aði lista yfir þá sem hann hafði blokkerað frá því að hann byrj­aði á sam­fé­lags­miðl­inum árið 2009. Alls hefur hann blokkað 52 mann­eskjur, allt karl­menn fyrir utan eina konu og eina gervi­mann­eskju. Gunnar Smári segir að dóna­skapur ókunn­ugra komi í gusum á Facebook. Fyrsta gusan hafi komið þegar hann byrj­aði á miðl­inum en þá var hann for­maður SÁÁ og svo hafi komið önnur gusa þegar hann stofn­aði Sós­í­alista­flokk Íslands. „Þegar við stofn­uðum Sós­í­alista­flokk­inn koma önnur svona gusa af mönnum sem eltu mig um Facebook og vildu sanna að ég væri algjör hálf­viti, lyg­ari, land­níð­ingur og ill­menni. Þetta er í sjálfu sér sak­laust, öllum getur ekki líkað við allt og alla, en fólk ber óþol sitt mis­jafn­lega. Ég blokk­aði bara þá sem voru með yfir­gengi­legan dóna­skap, hót­anir eða helltu sér yfir fjöl­skyldu mína, jafn­vel börn.“

Sós­í­alista­for­ing­inn reikn­aði út að hann blokki menn á 98 daga fresti en hann nefnir einnig þá hópa sem hann er í for­svari fyrir en þeir telja tug­þús­undir fólks. Segir hann að lokum að í grunn­inn sé Facebook-sam­fé­lagið gott sam­fé­lag. „En miðað við að ég hef ekki blokkerað fleiri þá verð ég að segja að þetta er ekki svo slæmt sam­fé­lag. Auðvitað er hér offram­boð af lélegum skoð­unum, en þær eru oft­ast sak­lausar. Fólk er hins vegar fast­heldið á skoð­anir sínar, ekki síst þær verstu. En mað­ur­inn var ekki skap­aður alvitur og alsjá­andi. Þvert á móti lifir hann í þoku og þvælist þar fyrir sjálfum sér.“