Auður segir forstjóra Haga villa um fyrir fólki: „Hann er að blanda frekar óskyldum hugtökum saman“

Auður Alfa Ólafs­dóttir segir að matur á Íslandi sé dýr sama hvað Finnur Oddsson, for­stjóri Haga, heldur fram.

Finnur Oddsson, for­stjóri Haga, hélt því fram í gær í við­tali að verð á mat­vöru á Íslandi væri ekki hátt, sem hlut­fall af launum eða útgjalda heim­ila. Auður Alfa Ólafs­dóttir, hjá verð­lags­eft­ir­liti ASÍ, telur Finnur sé að villa um fyrir fólki.

„Vissu­lega er mat­vara lægra hlut­fall af útgjöldum hér en í fátæk­ari löndum, sem er bara mjög gott, fólk hefur almennt og að með­al­tali meira milli hand­anna hér, þannig að nauð­synja­vara eins og mat­vara vegur ekki eins þungt í útgjöldum Íslend­inga. Það er bara rangt að vera að blanda þessu tvennu saman, útgjöld til ákveð­inna flokka vöru eða þjón­ustu segir ekk­ert eða voða lítið til um verð­lag á við­kom­andi vöru, þannig að hann er að blanda frekar óskyldum hug­tökum saman,“ sagði Auður Alfa í Morg­un­út­varpi Rásar 2 í morgun.

„Við erum með þriðja hæsta mat­vöru­verð í heim­inum. Þau lönd sem eru með hærra verð á mat­vöru en við eru Noregur og Sviss, þar munar samt ekki miklu, það Norð­ur­land sem kemur á eftir okkur er Danmörk og þar munar 20%.“