Handleggsbrotinn eftir árás fyrir utan Olís: „Drengurinn er laminn með bjórflösku í höfuðið“

Ráðist var á 17 ára pilt í miðbæ Nes­kaups­staðar árið 2004 en greint var frá mál­inu í DV

Ráðist var á Óla Kon­ráðs­son á bílaplani Olís­skál­ans í miðbæ Nes­kaups­staðar. Árás­ar­menn­irnir voru jafn jafn­aldrar hans. Var Óli lam­inn í haus­inn með flösku og sleg­inn ítrekað með hjóla­bretti. Móðir hans var vitni að atvik­inu.

„Ég var inni í ísjopp­unni þegar kallað er á mig og ég lít út og sé þegar dreng­ur­inn er lam­inn með bjór­flösku í höf­uðið,” sagði Áshildur Sig­urð­ar­dóttir, móðir Óla, um málið í DV árið 2004.

„Þeir voru að ríf­ast, einn þeirra og litli bróðir minn og þegar ég ætl­aði að skilja þá að þá sló hann mig í hnakk­ann með gler­flösk­unni,“ sagði Óli Kon­ráðs­son, sonur Áshildar. Við höggið féll Óli í jörð­ina og létu þá árás­ar­mennir höggin dynja. „Þá slógu þeir mig með hjóla­bretti og ég gat ekk­ert varið mig þarsem ég vank­að­ist eftir flösk­una. Bróðir minn náði þó að verja sig en gat ekki stoppað þá.“

Ein af afleið­ingum árás­ar­innar var að Óli hand­leggs­brotn­aði. „Ég verð með gifsið í mánuð meðan ég jafna mig,“ segir Óli

Málið var kært til lög­reglu og barna­vernd­ar­yf­ir­völdum gert við­vart.

 „Mér finnst liggja á að tekið sé á málum sem þessum enda er ekki um að ræða eitt­hvað tusk mllii barna heldur alvar­lega árás og mesta mildi að ekki fór verr,“ sagði Áshildur að lokum.