Þorsteinn hefur áhyggjur af Miðfjarðará: „Við náum náttúrulega aldrei að hreinsa allt“

Formaður Veiði­fé­lags Mið­fjarð­arár er ekki bjart­sýnn á ástandið sem mynd­ast hefur í ánni.

Mikið hefur verið um að eld­is­laxar séu að sleppa í ár á und­an­förnum mán­uðum og hafa fund­ist slíkir í Mið­fjarð­ará. Artic Fish hefur gefið það út að það muni senda kaf­ara til að fanga stroku­laxa í ánum en Þor­steinn Helgason er ekki bjart­sýnn á árangur þess.

„Það er nú svo sem ekki nema eitt orð: Okkur líst alveg skelfi­lega á þetta. Og sjálf­sagt ekki allt komið í ljós ennþá. Það er alveg fiskur að streyma ennþá inn. Við sáum í gær ein­hverja tólf fiska sem við ætl­uðum svo að ná í gær­kvöldi en þá voru þeir farnir áfram eitt­hvað og við töp­uðum af þeim,“ sagði Þor­steinn Helgason, for­maður Veiði­fé­lags Mið­fjarð­arár, í sam­tali við RÚV og hefur Fiski­stofa hefur lagt til að veiði­tíma­bilið verði fram­lengt til að hægt sé að ná fleiri stroku­löxum.

„Það er bara vanda­málið að hann tekur verr á stöng heldur en villti lax­inn. Og haustin geta nú verið alla veg­ana í veðr­áttu þ.a. ég er nú ekk­ert viss um að það hjálpi mikið hjá okkur. Það getur hjálpað sums staðar ann­ars staðar. Og svo nátt­úru­lega er alltaf líka mínus að þurfa að fara í ein­hverjar aðgerðir rétt fyrir hrygn­ingu á villta fisk­inum. Það er ekki gott. En við þurfum nátt­úru­lega að reyna að ná þessu svona sem allra mestu úr. Við náum nátt­úru­lega aldrei að hreinsa allt, við vitum það.“