Pepsi-drengurinn rekinn frá Bónus og 10-11 fyrir þjófnað: „Við verðum að hreinsa mannorð hans“

Bóas Krist­jáns­son var rek­inn úr tveimur vinnum fyrir að stela Pepsi-flösku árið 2000.

„Dreng­ur­inn er stimpl­aður þjófur; mark­aður eins og þjófar fyrr á öldum, og við verðum að hreinsa mann­orð hans,“ sagði Kristján Valur Ing­ólfs­son, guð­fræð­ingur og faðir Bóasar, í við­tali við DV árið 2000. Þá hafði Bóas verið rek­inn úr vinnu sinni í 10-11 fyrir að stela Pepsi-flösku en hann sagði að þetta væri mis­skiln­ingur og hann hefði alltaf ætlað að borga fyrir flösk­una.

„Það var röð til­vilj­ana sem olli því að ég var ekki búinn að greiða fyrir pepsíflösk­una þegar eft­ir­lits­mað­ur­inn kom að. Það stóð aldrei til að stela flösk­unni því ef ég hefði ætlað mér það hefði ég varla farið með hana inn á kaffi­stofu starfs­fólks þar sem tveir yfir­menn mínir sátu fyrir. Auk þess tók sam­starfs­maður minn einnig pepsíflösku á sama hátt og ég og ekki var hann rek­inn,“ sagði Bóas sem var 17 ára þegar þetta gerð­ist. Þórður Þórisson fram­kvæmd­ar­stjóri hjá 10-11 sagði í sam­tali við DV að Bóas hefði ekki aðeins stolið Pepsi heldur hefði hann einnig tekið snúð án þess að borga fyrir hann. Bóas var með skýr­ingu á því.

„Þetta var pitsusnúður og það eru óskráðar reglur í 10-11-versl­un­unum að starfs­fólk má fá sér einn brauð­hleif úr brauð­borð­inu án þess að greiða fyrir en pepsíið ætl­aði ég alltaf að borga og er reyndar búinn að því. Pepsíflaskan kost­aði 95 krónur en hún virð­ist ætla að kosta mig meira,“ sagði Bóas en hann reyndi að fá sér aðra vinnu eftir að hafa verið rek­inn. Það tókst og fékk hann vinnu í Bónus. Það end­aði einnig illa þar sem hann var sendur heim á fyrsta degi vegna þess að sömu eig­endur voru á 10-11 og Bónus. Hlaut Bóas við­ur­nefnið „Pepsi-dreng­ur­inn“ frá fyrr. sam­starfs­fólki út af þessu máli. Faðir Bóasar var væg­ast sagt ósáttur með fram­komu fyr­ir­tækj­anna.

„Þeir flettu nafni hans upp í gagna­grunni sínum og þar var sonur minn ein­fald­lega stimpl­aður sem þjófur. Þetta þýðir að Bóas getur hvergi fengið vinnu hjá stærstu versl­un­ar­keðju lands­ins. Við höfum haft sam­band við Versl­un­ar­manna­fé­lagið og þar mun málið fara í eðli­legan far­veg. En undir þessu ætlum við ekki að sitja,“ sagði Kristján Valur Ing­ólfs­son, faðir Bóasar.