Vendingar í stóra ýsu-í-karrý-málinu: „Ég er grautfúll“

Stefán Pálsson er síður en svo sáttur við við­skipta­bank­ann sinn.

Stóra ýsu-í-karrý-málið heldur áfram. Mannlíf sagði frá því í gær að fyrir mis­tök hafi Stefán Pálsson, sagn­fræð­ingur og bjór­sér­fræð­ingur og sitt­hvað fleira, verið rukk­aður um tæpar 300 þús­und krónur fyrir ýsu í karrý, sem hann keypti í fiski­búð. Í morgun upp­færði Stefán frétt­ina af mál­inu en hann seg­ist „graut­fúll“ við sam­skipta­leysi bank­ans sem ætl­aði að bak­færa upp­hæð­ina en lét hann bíða í tvo sól­ar­hringa. Eftir bið­ina hringdi hann aftur í bank­ann og var þá tjáð að Valitor væri að skoða málið en að þjón­ustu­full­trú­inn myndi heyra í Valitor. Fimm mín­útum síðar hringdi þjón­ustu­full­trú­inn og tjáði Stefáni að búið væri að bak­færa upp­hæð­ina. „Ég ætla rétt að vona að það hafi verið heppi­leg til­viljun frekar en að það hafi bara þurft örstutt sím­tal frá bank­anum til Valitor til að kippa þessu í lið­inn.“

Ástæðuna fyrir fýl­unni út í bank­ann sagði Stefán vera þá stað­reynd að hann hafi ekki fengið neina til­kynn­ingu um að bilun væri í gangi og unnið væri í að laga hana. „Það er hrein til­viljun að þessi ranga færsla hafi ekki sprengt heim­ild­ina mína á kort­inu sem þar með hefði orðið ónot­hæft með til­heyr­andi vand­ræðum.“

Hér má lesa færsl­una í heild sinni:

„Nýjustu fréttir af stóra ýsu-í-karrý-mál­inu. Eftir að tæp­lega 300 þús­und krónu færslan á Visa-kort­inu hafði verið í bið í tvo sól­ar­hringa hringdi ég í annað sinn í bank­ann. „Æ, ert þú einn af þeim sem lentu í þessu!“ – sagði þjón­ustu­full­trú­inn á hinum end­anum. „Ég ætla að hringja núna í Valitor, þeir voru eitt­hvað að skoða þetta. Fæ svo að heyra í þér.“

Fimm mín­útum síðar fékk ég sím­tal með stað­fest­ingu á að þetta væri komið í lag. Ég ætla rétt að vona að það hafi verið heppi­leg til­viljun frekar en að það hafi bara þurft örstutt sím­tal frá bank­anum til Valitor til að kippa þessu í lið­inn.

Og já, ég er graut­fúll yfir því að hafa ekki fengið eina ein­ustu til­kynn­ingu eða skila­boð frá bank­anum, greiðslu­þjón­ust­unni eða kredit­korta­fyr­ir­tæk­inu um að það væri bilun í gangi og að verið væri að laga hana. Það er hrein til­viljun að þessi ranga færsla hafi ekki sprengt heim­ild­ina mína á kort­inu sem þar með hefði orðið ónot­hæft með til­heyr­andi vand­ræðum.“