Stefán svarar engu um meint skattalagabrot Sigríðar Daggar: „Ég hef enga heimild til þess“

Stefán Eiríks­son svarar ekki spurn­ingum Mannlífs um meint skatta­laga­brot Sigríðar Daggar Auð­uns­dóttur.

Sigríður Dögg Auð­uns­dóttir, fjöl­miðla­kona og for­maður Blaða­manna­fé­lags Íslands, er borin þungum sökum af Mogga­blogg­ar­anum og fram­halds­skóla­kenn­ar­anum umdeilda, Páli Vil­hjálms­syni, sem heldur því fram að hún hafi van­talið 100. millj­ónir til skatts í gegnum Airbnb-við­skipti sín á síð­ustu árum. Sigríður hefur engu viljað svara um meint skatta­laga­brot þegar Mannlíf hefur leit­ast eftir því.

Sjá einnig: Páll Vil­hjálms­son ásakar Sigríði Dögg um að hafa van­talið 100 millj­ónir til skatts

Mannlíf sendi eft­ir­far­andi tölvu­póst á Stefán Eiríks­son útvarps­stjóra:

Alvar­legar ásak­anir um skatta­snið­göngu hafa verið bornar fram á starfs­mann þinn, Sigríði Dögg Auð­uns­dóttur umsjón­ar­mann Kast­ljóss. Hún hefur ekki svarað nákvæmum spurn­ingum Mannlífs um málið en gaf út ein­hliða til­kynn­ingu á Facebook um að hún hefði sætt end­ur­á­lagn­ingu vegna útleigu á hús­næði. Af því til­efni er spurt:

1. Hefur þú sem útvarps­stjóri kynnt þér í þaula  og gengið eftir svörum um það hvort umræddar ásak­anir blogg­ar­ans Páls Vil­hjálms­sonar eru réttar?2. Þekkir þú umfang meintra skattsvika og eru þó þess eðlis að starfs­mann­inum sé sætt í starfi sínu hjá opin­beru fyr­ir­tæki?3. Telur þú ein­hliða yfir­lýs­ingu Sigríðar Daggar vera full­nægj­andi í mál­inu?4. Hefur starfs­mað­ur­inn fengið áminn­ingu vegna þessa máls?

5. Nýtur umræddur starfs­maður fulls trausts hjá þér?

Stefán svar­aði fljót­lega en bar fyrir sig per­sónu­vernd­ar­lögum. „Ég hef enga heim­ild til þess lögum sam­kvæmt að ræða við þig um mögu­leg mál­efni ein­stakra starfs­manna RÚV.“