Leikmaður sakaður um að kasta bjórdós á leik: „Bjórdósin er með fleiri heilasellur en gerandinn“

Nikola Djuric, leik­maður Hauka, er sak­aður um að kasta bjór­dós í leik Breiða­bliks og Víkings.

Hlað­varps­þátta­stjórn­and­inn og „fót­bolta­sér­fræð­ing­ur­inn“ Kristján Óli Sig­urðs­son greindi frá því á Twitter í gær að Nikola Djuric, leik­maður Hauka, hafi orðið sér til skammar og kastað bjór­dós úr stúkunni, á leik Breið­bliks og Víkings, í átt að vell­inum. Bróðir Nikola er Danijel Djuric, lyk­il­leik­maður í liði Víkings, og þeir bræður spil­uðu báðir með Breiða­bliki í yngri flokkum. Mikill rígur hefur verið milli lið­anna und­an­farin þrjú ár. Breiða­blik vann leik­inn 3-1. 

Í gegnum tíð­ina hafa lið sett aðdá­endur í bann fyrir slíka hegðun og er ekki ólík­legt að Víkingur muni gera slíkt verði málið rann­sakað og sekt hans sönnuð en ásökun Krist­jáns er nokkuð alvar­leg. Það sem gerir málið alvar­lega er sú stað­reynd að Nikola er leik­maður Hauka og spil­aði hann yfir 20 leiki með lið­inu á tíma­bil­inu. Nikola gæti átt von á löngu banni frá KSÍ fáist það á hreint að hann hafi kastað bjór­dósinni.