Vinnueftirlitið viðurkennir lögbrot

Enginn læknir hefur verið starf­andi hjá Vinnu­eft­ir­lit­inu síð­ast­liðin fjögur ár, þrátt fyrir að skýrt sé kveðið á um það í lögum.

Vinnu­eft­ir­lit Ríkisins hefur ekki haft lækni á stofn­un­inni frá því að Kristinn Tómasson hætti þar árið 2019. Skýrt er kveðið á um í lögum að Vinnu­eft­ir­litið hafi lækni í sinni þjón­ustu.

Hér má sjá 68. gr. laga um aðbúnað, holl­ustu­hætti og öryggi á vinnu­stöðum:

68. gr.

[Vinnu­eft­ir­lit rík­is­ins skal hafa í þjón­ustu sinni lækni sem hefur sér­þekk­ingu er teng­ist starf­inu.] ¹⁾

Verkefni hans er:
a. að vera tengiliður Vinnu­eft­ir­lits rík­is­ins við heil­brigð­is­yf­ir­völd,
b. að veita for­stöðu atvinnu­sjúk­dóma- og heilsu­gæslu­deild, sbr. 73. gr. laga þess­ara,
c. að sjá um, að haldin sé skrá yfir atvinnu­sjúk­dóma, vinnu­slys og eitr­anir, sbr. 78. gr., staf­lið f og 81. gr. laga þess­ara,
d. að vinna að þeim málum öðrum, er snerta heil­brigði og heilsu­vernd starfs­manna, eftir nán­ari ákvörðun [for­stjóra] ¹⁾ Vinnu­eft­ir­lits rík­is­ins.

Mannlíf sendi fyr­ir­spurn um málið á Vinnu­eft­ir­litið og Vera Ein­ars­dóttir upp­lýs­inga­full­trúa stofn­un­ar­innar svar­aði. Við­ur­kenndi hún í svari sínu að Vinnu­eft­ir­litið færi ekki að lögum hvað varðar það að hafa starf­andi lækni á stofn­un­inni. Auglýst hafi verið eftir lækni í tvígang, 2020 og 2021 en að umsókn­ar­ferlunum hafi lokið án ráðn­ingar. „Í kjöl­far þess var ákveðið að leita út fyrir stofn­un­ina til sér­fræði­lækna og heil­brigð­is­stofn­ana, þegar þörf væri á.“

Vera sagði einnig að félags- og vinnu­mark­aðs­ráð­herra hafi árið 2022 lagt til laga­breyt­ingu „um að ekki yrði kveðið á um í lögum hvers konar sér­fræði­þekk­ing stofn­unin hefði yfir að ráða hverju sinni“ en að frum­varpið hafi ekki hlotið braut­ar­gengi. Bætti hún við: „Það er þó enn vilji til að gera umrædda breyt­ingu og þykir það vera í betra sam­ræmi við nútíma­skipu­lag stofn­ana að kveða ekki á um innra skipu­lag þeirra í lögum. Þetta fyr­ir­komu­lag hefur reynst vel hjá stofn­un­inni en ekki hafa komið upp mál að und­an­förnu sem hafa kallað á að vera með lækni inn­an­borðs.“

Um hlut­verk Vinnu­eft­ir­lits­ins sagði Vera eft­ir­far­andi:

„Hlutverk Vinnu­eft­ir­lits­ins er fyrst og fremst að hafa for­ystu um for­varnir og fræðslu um vellíðan og öryggi á vinnu­stöðum, svo og að sinna vett­vangs­at­hug­unum og skoð­unum á vinnu­vélum. Þver­fag­leg teymi starfa að þessum verk­efnum innan stofn­un­ar­innar.“

Samkvæmt heim­ild­ar­mönnum Mannlífs nýtti Vinnu­mála­stofnun sér­fræð­inga utan stofn­un­ar­innar á þeim árum sem Kristinn Tómasson starf­aði þar enda ekki hægt að ætl­ast til þess að hann hefði sér­fræði­þekk­ingu á öllu sem kæmi á borð hans. Það sé því ekki nýtt en að læknir sé nauð­syn­legur til að sinna öðrum verk­efnum sem honum ber, lögum sam­kvæmt, að gera.