Björn Leví útskýrir ósvinnu Áslaugar Örnu: „Svona virkar hinn pólitíski leikur“

Allir eru að tala um baks­tungu Áslaugar Örnu Sig­ur­björns­dóttur á Sjáv­ar­út­vegs­deg­inum í fyrra­dag en þar gerir ráð­herr­ann lítið úr Svandísi Svav­ars­dóttur mat­væla­ráð­herra, frammi fyrir fullum sal af kvóta­kóngum. Píratinn Björn Leví Gunn­ars­son útskýrir „upp­á­tækið“ í Facebook færslu.

Björn Leví Gunn­ars­son þing­maður Pírata hefur verið afar iðinn við að pönk­ast í rík­is­stjórn­inni og þá sér­stak­lega Sjálf­stæð­is­flokknum, und­an­farin ár. Í nýrri Facebook-færslu útskýrir hann fyrir les­endum sínum, ástæð­una fyrir því að Áslaug Arna Sig­ur­björns­dóttir gerði lítið úr Svandísi Svav­ars­dóttur, kollega sínum í rík­is­stjórn Katrínar Jak­obs­dóttur, á fundi Samtaka fyr­ir­tækja í sjáv­ar­út­vegi (áður LÍÚ). „Smá útskýr­ing á þessu upp­á­tæki – fyrir fólk sem hefur áhuga á því hvernig stjórn­málin virka inn­an­frá,“ byrjar Píratinn færsl­una og heldur áfram: „Eins mikið og allir geta hneyksl­ast á þessu mjög svo ósmekk­lega upp­á­tæki Áslaugar Örnu þá eru áhrifin af þessu tví­þætt.“

Áhrifin sem Björn Leví nefnir, eru eft­ir­far­andi:

1. Þetta spilar hár­ná­kvæm­lega inn til fólks sem gæti stutt Sjálf­stæð­is­flokk­inn. Þetta aðgreinir Sjálf­stæð­is­flokk­inn frá VG – en mikið hefur verið talað um hversu líkir íhalds­flokkar þetta eru þegar allt kemur til alls. Sjallar elska þetta útspil.

2. Þetta hjálpar Svandísi og VG að fjar­lægja sig frá Sjálf­stæð­is­flokknum. Þau fagna þessu örugg­lega ægi­lega mikið bara og kvarta ekki baun yfir því (amk innra með sér) að Áslaug Arna hafi gert þetta. Þarna geta þau bent á „sko, við erum ekk­ert eins. Við erum í alvör­unni rosa­lega ósam­mála“.

Björn Leví segir rík­is­stjórn­ina halda áfram að starfa saman næstu árin „með áfram­hald­andi skotum hvert á annað – sem mun hjálpa báðum flokkum fyrir næstu kosn­ingar að aðgreina það sem nú er límt saman. Á meðan ger­ist auð­vitað ekk­ert upp­byggi­legt.“

Segir hann enn­fremur að fólk þurfi ekki að hafa áhyggjur af því að þessi skot munu valda ein­hverju upp­námi á rík­is­stjórn­ar­heim­il­inu, því þetta hjálpi báðum flokkum. „Svona virkar hinn póli­tíski leikur.“

Í lok færslu sinnar útskýrir Björn Leví hvernig Píratar virka:„Bónus í lokin — svona virka Píratar, að benda á hvernig póli­tíski leik­ur­inn virkar svo fólk geti betur áttað sig á því af hverju hitt og þetta er að ger­ast í póli­tík­inni sem er ann­ars ill­skilj­an­legt fyrir fólk utan­frá. Það er okkar póli­tíski „leikur“ – Að segja hlut­ina bara beint út. Þess vegna þola þau okkur ekki.“