Það logaði allt í gæludýradeilum í Hafnarfirði árið 1992.
Gæludýrabúðin Goggar og trýni var árið 1992 ein aðal gæludýrabúð landsins og í henni var páfagaukurinn Malakoff. Hann söng og hélt ræður að sögn eiganda. Það vakti litla gleði íbúa sem bjuggu á hæðinni fyrir ofan gæludýrabúðina. Deilan náði hámarki þegar Finnbogi Bjarnason, nágranni Gogga og trýna, tók upp söng páfagauksins og spilaði upptökuna út um gluggann hjá sér. Svo fór að páfagaukurinn var tímabundið fjarlægður eftir að lögreglan skarst í leikinn. Finnbogi vildi meina að töluvert ónæði væri vegna Gogga og trýna.
„Það eru þarna líka litlir páfagaukar sem vekja mann stundum klukkan sex á morgnanna. Þetta gjörbreyttist eftir að páfagaukurinn fór. Ef hann kemur aftur þá mun ég kvarta. Það kom til mín mðaur sem býr á móti okkur. Hann sagðist vera í sumarfríi og ekki geta sofið á daginn fyrir hávaða frá búðinni“, sagði Finnbogi í viðtali við DV um málið árið 1992.
Árni Stefán Árnason, eigandi búðarinnar, vildi meina að Finnbogi væri að reyna setja sig á hausinn.
„Ég held að þetta sé persónulegur ágreiningur. Páfagaukurinn Malakoff er mjög merkilegur og hefur vakið mikla athygli. Í sólskini var ég með fyrir utan búðina. Þar hélt hann ræður og söng. Malakoff kemur aftur í búðina. Ef nágrannarnir kvarta þá þeir um það,“ sagði Árni Stefán.
Athugasemdir