Kristrún segir Bjarna hafa tekið rétt ákvörðun: „Ýmislegt getur gerst þegar líður á daginn“

Kristrún Frosta­dóttir for­maður Sam­fylk­ing­ar­innar segir að Bjarni Bene­dikts­son hafi tekið rétta ákvörðun með því að segja af sér sem fjár­mála­ráð­herra.

Formaður Sam­fylk­ing­ar­innar, Kristrún Frosta­dóttir sagði í sam­tali við Mannlíf að ákvörðun Bjarna Bene­dikts­sonar um að segja af sér sem fjár­mála­ráð­herra, vera rétta ákvörðun. „Í stuttu máli er þetta bara rétt ákvörðun hjá ráð­herra. Hann er að axla ábyrgð. Og ég er sam­mála nið­ur­stöðu hans um að honum væri ekki lengur kleift að vinna að sínum verk­efnum.“ Kristrún sagði að um mikil tíma­mót sé að ræða því Bjarni hafi verið fjár­mála­ráð­herra nær sleitu­laust í ára­tug.

En er rík­is­stjórn­inni stætt að halda áfram?

„Ég held að rík­is­stjórnin þurfi nú að svara þeirri spurn­ingu hvort henni sé í raun kleift að sinna þeim verk­efnum sem nú liggja fyrir og skiptir fólk­inu í land­inu mestu máli. Og þá erum við í Sam­fylk­ing­unni mest að horfa á efna­hags­málin og stóru vel­ferð­ar­málin. En um fram­haldið get ég auð­vitað lítið sagt, þetta er búinn að vera hraður morgun og ýmis­legt getur gerst þegar líður á dag­inn.“