Þorvaldur Gylfason krefst þess að nafn hans verði tekið af þakkarlista heimildarmyndarinnar Baráttan um Ísland.
Töluverð óánægja hefur ríkt meðal fólks sem tengdist á fyrri stigum gerð heimildarmyndarinnar Baráttan um Íslands sem Ríkisútvarpið birti í tveimur hlutum þann 8 og 9 október, 15 árum eftir Hrunið. Hafa efnistök og sjónarhorn verið harðlega gagnrýnd, en samkvæmt Samstöðinni er stærsti hluti myndarinnar lagður undir varnir bankamanna.
Sænski leikstjórinn Bosse Lindquist sagði sig til að mynda frá verkinu snemma vegna þess hversu ósáttur hann var við þá stefnu sem SagaFilm, framleiðslufyrirtækið sem gerði myndina, vildi fara með myndina. Þrátt fyrir það er hann nefndur sem einn af þremur leikstjórum heimildarmyndarinnar, ásamt Margréti Jónasdóttir núverandi gæðastjóra RÚV og Jakobi Halldórssyni, en hann ku hafa haldið að myndin yrði ekki gerð.
Þá hefur Þórður Snær Júlíusson, ritstjóri Heimildarinnar, krafist þess að nafn hans yrði tekið út en hann er nefndur sem ráðgjafi í kreditlistanum en hann segir myndina ekki í nokkru samræmi við ráðgjöf hans.
Sá nýjasti til að krefjast þess að nafn sitt verði tekið úr kreditlista myndarinnar er Þorvaldur Gylfason, prófessor í hagfræði. Hér má lesa Facebook-færslu frá honum frá því í dag:
„Ég sá mig knúinn til að senda Stefáni Eiríkssyni útvarpsstjóra svo hljóðandi bréf fyrir stundu:
„Stefán EiríkssonútvarpsstjóriRÚVÉg skrifa til að krefjast þess að nafn mitt verði numið burt án tafar af lista með nöfnum þeirra sem þakkað er í lok beggja hluta heimildamyndarinnar Baráttan um Ísland sem sýnd var í RÚV 8. og 9. október s.l. Myndin er hneyksli að mínum dómi og mér allsendis óviðkomandi.Með virðingu,Þorvaldur Gylfasonprófessor emeritusHáskóla Íslands
11. október 2023″.“
Samkvæmt Samstöðinni er stjórnarformaður SagaFilm Ragnar Björn Agnarsson, sem er æskuvinur Jóns Ásgeirs Jóhannssonar, sem birtist talsvert í heimildarmyndinni.
Athugasemdir