Atli Þór Fanndal furðar sig á reikningsæfingum hægrimanna og stingur upp á nýju „trendi“.
Framkvæmdarstjóri Íslandsdeildar Transparency International, Atli Þór Fanndal skrifaði Facebook-færslu í dag þar sem hann hnýtir svolítið í hægrimenn. Í upphafi lýsir hann „trendum“ á TikTok þar sem talað er um „boy math“, „girl math“, „gay math“ og svo „lesbian math.“ „Trendin eru kjánalegt djók um hvernig lesbíur telja hverja mínútu í sambandi margfallt svo hægt sé að flytja inn, gifta sig og ættleiða hund á fyrstu helgi. Voða skemmtilegt allt. Svona erum við nú gasalega sniðug hinsegin liðið…“
Atli Þór stingur svo upp á nýju „trendi“: „Hægrimanna math’ sem gæti verið eitthvað á þá leið að við höfum bara alls ekki efni á borgarlínu sem eru 50 milljarðar á 10 árum en það er ekkert mál að niðurgreiða Teslur fyrir bílaleigur um 7-10 milljarða á ári næstu þrjú árin.“ Og Atli Þór heldur áfram: „Hægrimanna math segir okkur að annað sé augljóslega miklu betri fjárfesting en hin… almenningssamgöngur sem auka hagvaxtagetu samfélagsins, ýta undir umferðaflæði, auka lífsgæði og gera okkur samkeppnishæf í keppni um vinnuafl. Spara okkur kaup á útblásturskvótum og eru liður í að létta á þrýsting á húsnæði miðsvæðis með því að stækka atvinnu svæðið… eða niðurgreiða Teslur fyrir ríkt fólk og bílaleigur.“
Að lokum segir Atli Þór kólombískan brandara sem hann telur að stolinn sé frá Íslandi:
„Þegar guð skapaði heiminn þá nostraði hann svo mikið við Kólumbíu. Gaf landinu fögur fjöll, lífræðilegan fjölbreytileika sem á sér engan líkan, gróðursæla jörð, fagrar ár og gott veður. Þetta föndur guðs vakti athygli á arkitektaskrifstofu verkefnisins jörð og guð var spurður hvort honum þætti sanngjarnt gagnvart restinni af heiminum að gefa Kólumbíu öll heimsins gæði. Guð svaraði: „Bíðið þar til þið sjáið stjórnmálamennina sem ég hef hannað fyrir þau“.“
Færsluna má sjá í heild sinni hér:
Athugasemdir