Sigga Beinteins með marga vonbiðla: „Fæ mjög oft fyrirspurnir um hvort ég vilji koma á deit“

Söng­konan Sigga Bein­teins ræddi ást­ar­lífið og tón­list­ar­fer­il­inn í við­tali við Sig­ur­laugu M. Jón­as­dóttur í þætt­inum Segðu mér.
Sigga seg­ist hafa haldið per­sónu­legu lífi sínu aðskilnu tón­list­ar­fer­ilnum. Hún vildi að þjóðin ræddi hana sem söng­konu en ekki einka­líf hennar. „Ég var alltaf feimin mann­eskja og er það oft á tíðum í dag líka. Það var ákveðið sjokk fyrir mig þegar allir vissu hver ég var.“

„Ég fer í for­síðu­við­tal og ég man að ég ræddi við blaða­kon­una um alla þessa hluti. Ég var búin að segja henni að ég vildi hafa allt prí­vat,“ segir Sigga. Konan lof­aði henni að birta ekki neitt án sam­þykis Siggu og að hún fengi að lesa við­talið áður en það var birt. „Hún var búin að taka svoldið út það sem ég sagði en það var svo í blað­inu þegar það kemur. Ég var ekki alveg sátt við það.“

Sigga seg­ist hafa opnað sig meira með árunum og auknum þroska. Hún hafi þó alltaf svarað þeim spurn­ingum sem hún fékk um kyn­hneigð sína: „Ég var aldrei í felum með sjálfa mig. Mér fannst ekki ástæða til þess að útvarpa þessu út um allt.“

Sigga seg­ist hafa fengið sím­töl frá ókunn­ugu fólki sem vill vita hver staðan er á ást­ar­lífi hennar. „Það hefur alltaf haft áhuga á því. Vill alltaf vita hvort ég sé í sam­bandi eða ekki í sam­bandi. Ég er að hitta konu núna. Ég fæ mjög oft fyr­ir­spurnir um hvort ég vilji koma á deit, þó ég sé orðin sex­tug. Það er alveg merki­legt hvað þetta hangir inni.“