Flestir vilja hjálpa Grindvíkingum en ekki allir – Verkalýðsforingi fordæmir lífeyrissjóði og banka

Lang­flestir Íslend­ingar eru til­búnir til þess að aðstoða þá 4000 Grind­vík­inga sem margir eru á ver­gangi eftir að yfir­völd lýstu því yfir að bær­inn væri á barmi eld­goss fyrir viku síðan. Flestir veita aðstoð án þess að nota það í aug­lýs­inga­skyni en aðrir nota meinta góð­semi til að koma sér á fram­færi.  Ekki eru þó öll fyr­ir­tæki eða stofn­anir á þeim nót­unum að hjálpa fólk­inu. Vil­hjálmur Birg­is­son, verka­lýðs­leið­togi á Akranesi, telur að um 300 fjöl­skyldur frá Grinda­vík eigi ekki í nein hús að venda.

„Við eigum gríð­ar­legan fjölda en sam­kvæmt skjali sem Rauði kross­inn heldur utan um eru 303 fjöl­skyldur búnar að óska eftir aðstoð um að fá hús­næði og það fer ört fjölg­andi í þeim hópi,“ sagði hann á Bylgj­unni í gær og boð­aði að Verka­lýðs­fé­lag Akraness myndi losa orlofs­hús sín og koma Grind­vík­ingum þar í skjól.

Margir ein­stak­lingar hafa lagt sitt að mörkum. Fyr­ir­tæki hafa líka gert sitt til að létta undir með fólki. Dæmi eru þú um annað og kvart­aði kona frá Grinda­væík undan því að áskrifta­deild Morg­un­blaðs­ins heföi neitað að slá af reikn­ingi mán­að­ar­ins.  Vil­hjálmur hund­skammar banka og líf­eyr­is­sjóði fyrir að bregð­ast fólki í neyð.

„Mér hefði fund­ist eðli­legt að þarna hefði verið fryst allar greiðslur. Alveg sama hvort það hefði verið vextir eða verð­bætur, á meðan að þetta ástand varir og sýna í verki að þetta fjár­mála­kerfi hætti að sýna þetta mis­kunn­ar­leysi …,“ sagði hann á Bylgj­unni og vísar til þess að ein­hverjir bank­anna hafa verið með sýnd­ar­til­boð sem felur í sér að frysta vexti en leggja fullar verð­bætur á höf­uð­stól­inn. „Ég segi bara svei­attan við því að gera ekki betur en þetta,“ sagði hann á Bylgj­unni.

Rólegt var yfir jarð­skjálfta­svæð­inu við Grinda­vík í nótt. Eng­inn skjálfti reynd­ist vera yfir þrem­ur að stærð. Alls mæld­ust um 500 skjálftar. Mesta virkn­in hef­ur verið við Haga­fell og Sund­hnúka­gíga­röð­ina. Engan gos­óróa er að merkja og því ekki vís­bend­ingar um yfir­vof­andi gos. Jarð­vís­inda­menn full­yrða þó með örfáum und­an­tekn­ingum að goss sé örugg­lega að vænta endeilt er um hvort það séu mín­útur, klukku­stundir, dagar, mán­uðir eða lengra í gosið. Þá veit eng­inn hvar muni gjósa ef til kemur.