Askja hætt að taka við reiðufé vegna hryðjuverkalaga: „Auka almennt á öryggi í viðskiptum“

Bíla­um­boðið Askja tekur ekki lengur fyrir reiðufé.

Þegar COVID-far­ald­ur­inn tröll­reið öllu tóku ýmis konar fyr­ir­tæki upp á því að hætta taka við reiðufé. Ein­hverjum fannst það of sterk við­brögð á sínum tíma og fannst að ætti að banna fyr­ir­tækjum að neita taka við reiðufé en fyr­ir­tækin hafa flest snúið þess­ari stefnu við. Nú hefur bíla­um­boðið Askja til­kynnt hugs­an­legum við­skipta­vinum sínum að ekki verði hægt að greiða fyrir vörur þeirra með reiðufé. „Askja heldur áfram að stíga skref inn í staf­ræna fram­tíð og hefur tekið ákvörðun um að hætta mót­töku reiðu­fjár,“ segir í til­kynn­ingu frá bíla­um­boð­inu.

Mannlíf sendi bíla­um­boð­inu fyr­ir­spurn um málið. „Ákvörðun okkar um að hætta að taka við reiðufé bygg­ist aðal­lega á þeim breyt­ingum sem gerðar voru á lögum nr. 140/2018 um aðgerðir gegn pen­inga­þvætti og fjár­mögnun hryðju­verka. Samkvæmt þeim eru bif­reiða­um­boð til­kynn­inga­skyldur aðili,“ sagði Víkingur Grímsson, for­stöðu­maður við­skipta­tengsla hjá Öskju, í svari til Mannlífs.

„Áhættu­mat rík­is­lög­reglu­stjóra frá 25. Mars 2021 fjallar um helstu ógnir bif­reiða­um­boða og bif­reiða­sala, þar sem sér­stak­lega er kveðið á um greiðslur með reiðufé. Í því skyni að draga úr áhættu á pen­inga­þvætti  sem kann að leiða af notkun reiðu­fjár í við­skiptum við Öskju, tekur Askja nú ekki við inn­borgun í reiðufé. Tak­mörkun þessi er til þess fallin að gera þjón­ustu félags­ins óæski­legri —- miðil pen­inga­þvættis og fjár­mögn­unar hryðju­verka, auk þess að auka almennt á öryggi í við­skiptum,“ sagði hann að lokum.

Þá var spurt hvort upp hafi komið ein­hver mál hjá Öskju sem snúa að pen­inga­þvætti en því var ekki svarað. Mannlíf spurði einnig um hvort að hvort að mögu­legt væri að borga fyrir vörur hjá Öskju með raf­mynt fyrst fyr­ir­tækið væri að stíga skref inn í staf­ræna fram­tíð en fékk engin svör við því.