Mannasaur troðið inn um bréfalúgu leikskóla: „Örfáir einstaklingar eru að skemma fyrir heildinni“

Það var ófögur sjón sem blasti við starfs­mönnum leik­skól­ans Furukots á Sauð­ár­króki þegar þeir mættu til vinnu einn dag í októ­ber árið 1995

Miklar skemmdir höfðu verið unnar á leik­skól­anum. Spýtur lágu út um alla lóð og leik­tæki og húsið sjálft verið skemmt. Nið­ur­falls­rör voru rifin niður og brotin af hús­inu og þá hafði stigi upp í kast­ala verið möl­brot­inn. Þá hafði manna­saur verið troðið innan um bréfalúgu leik­skól­ans.

„Við höfum ekk­ert á móti því að börnin séu að leika sér hér á kvöldin, en það er slæmt ef að örfáir ein­stak­lingar eru að skemma fyrir heild­inni. Það er greini­legt að hér um helg­ina hafa verið á ferð eldri krakkar. Það þarf krafta til að fram­kvæma þær skemmdir sem hér voru unnar. Síðan er það sem okkur þykir einna verst, að hér hefur fólk verið að gera þarfir sínar, sand­kass­inn virð­ist t.d. vera vin­sæll til þess“, sagði Sigríður Stef­áns­dóttir, leik­skóla­stjóri Furukots, í við­tali við Feyki árið 1995 um málið.