Brynjar Níelsson segist gera sér grein fyrir mikilvægi fjölmiðla í nýrri Facebook-færslu.
Varaþingmaður Sjálfstæðisflokksins, Brynjar Níelsson segir í nýrri Facebook-færslu að hann geri sér grein fyrir mikilvægi fjölmiðla, þó hann „jagist stundum í blaðamönnum.“ Í færslunni rifjar hann upp kynni sín við Hjálmar Jónsson, fráfaranda framkvæmdarstjóra Blaðamannafélagsins, sem hann segir hreinan og beinann mann sem „brennur greinilega fyrir hagsmunum umbjóðaenda sinna“ eins og hann orðaði það. Segir hann það ekki koma sér á óvart að það hafi „kastast í kekki“ milli Hjálmars og núverandi stjórnar BÍ. Þá segist Brynjar halda að sú samtrygging og spilling sem stundum er sagt að lifi góðu lífí stjórnmálum, sé víða að finna.
Færsluna má lesa hér:
„Þótt ég jagist stundum í blaðamönnum og trufli þá í sínum sjáfhverfa heimi geri ég mér grein fyrir mikilvægi fjölmiðla. Á ég þá við frétta- og upplýsingamiðla en ekki pólitíska áróðurspésa, sem geta þó verið ágætir fyrir sinn hatt.
Fyrir nokkrum misserum kynntist ég lítillega Hjálmari Jónssyni, fyrrum formanni og framkvæmdastjóra Blaðamannafélagsins þegar hann mætti að spila bridds í Krummaklúbbnum. Þokkalegur briddspilari og hreinn og beinn maður. Brann greinilega fyrir hagsmunum umbjóðenda sinna og mikilvægi þess að efla blaðamannastéttina, bæði faglega og þegar kemur að kjörum félagsmanna. Það er ekki auðveld barátta þegar litið er til þess umhverfis sem frjálsir fjölmiðlar hafa búið við í lengri tíma.Kom mér ekki á óvart að kastaðist í kekki milli Hjálmars og núverandi stjórnar Blaðamannafélagsins eftir að RÚV og fylgihnöttur þess tóku yfir félagið. Stundum er sagt að pólitíkin sé uppfull af samtryggingu og spillingu. Held að hana sé víðar að finna og er farinn að halda að gamli blaðamaðurinn Páll Vilhjálmsson hafi talsvert til síns mál í daglegum skrifum sínum um suma fjölmiðla og fjölmiðlamenn.“
Athugasemdir