Þyrlufyrirtæki einnig með söfnun: „Hugur okkar og hjörtu eru fyrst og fremst hjá Grindavíkurbúum“

Ferða­fyr­ir­tækið Reykja­vik Helicopters styrkir Grind­vík­inga um 1.000 krónur af hverri seldri þyrlu­ferð með fyr­ir­tæk­inu.

Rauði kross­inn reið á vaðið í dag og hóf söfnun til styrktar Grind­vík­ingum sem standa nú frammi fyrir gríð­ar­legum ham­förum. En það eru fleiri sem styrkja nú Grind­vík­inga en ferða­fyr­ir­tækið Reykja­vik Helicopters ætla sér að leggja Rauða kross­inum lið í söfn­un­inni með því að borga þús­und krónur af hverri seldri þyrlu­ferð fyrl­r­tæk­is­ins, til söfn­un­ar­innar.

Þetta til­kynnti fyr­ir­tækið á Facebook í dag. Færslan hefur verið laus­lega þýdd og má lesa hana hér fyrir neðan:

„Við erum nú að upp­lifa fimmta eld­gosið á Reykja­nes­svæð­inu á tæpum 3 árum. Fyrri gosin hafa verið skað­laus og sann­ar­lega stór­kost­leg á að horfa. Núver­andi eld­gos er eitt­hvað annað. Nú stöndum við frammi fyrir sann­köll­uðum nátt­úru­ham­förum þar sem Grinda­vík­ur­búar verða verst úti. Nú þegar hafa lífs­nauð­syn­leg inn­viði skemmst og heim­ili glat­ast. Hugur okkar og hjörtu eru fyrst og fremst hjá Grinda­vík­ur­búum. Áfram verður boðið upp á ferðir til að skoða gossvæðin á Reykja­nesi en sem stendur höldum við öruggri fjar­lægð, að lág­marki 2 sjó­mílur (um 4 km), frá núver­and gosi og Grinda­vík. Við vonum það besta fyrir Grinda­vík­ur­búa og leggjum kr 1.000,- á hvert selt sæti í þeim ferðum til styrktar Rauða kross Íslands fyrir Grinda­vík­ur­búa.“