Thorberg náði fyrstu myndunum af eldgosinu: „Við byrjum að draga og þá blossar þetta bara upp“

Thorberg Ein­ars­son stýri­maður er við þorsk-og ýsu­veiðar rétt utan við Grinda­vík. Hann varð vitni að því þegar eld­gosið hófst í morgun. Hann náði þess auki fyrstu ljós­mynd­unum af eld­gos­inu. Aðspurður hvort hann vilji deila mynd­unum með les­endum Mannlífs segir hann: „Já, en ég veit ekki hvort ég get sent þær strax. Ég er bara úti á dekki að vinna á fullu.

Aðspurður um upp­lifun sína að verða vitni af atburð­inum segir hann: „Þetta var nátt­úru­lega bara … ótrú­legt sko!“ Thorberg er Grind­vík­ingur sem og aðrir í áhöfn­inni.

„Við vorum að sigla í bauju þegar við erum búnir að leggja og erum að sigla í end­ann sem við byrjum að draga og þá blossar þetta bara upp,“ segir hann og lýsir hvernig him­in­inn log­aði.

Við upp­haf eld­goss­ins í morgun, séð frá hafi rétt utan við Grinda­vík. Mynd/Thorberg Ein­ars­son

Birt með góð­fús­legu leyfi. Mynd/Thorberg Ein­ars­son

Thorberg er ásamt þremur öðrum Grind­vík­ingum um borð á Vésteini DK. Báturinn er gerður út frá Grinda­vík og róa þeir þessi miss­eri frá Stöðv­ar­firði. Þeir félagar landa í Sand­gerði í kvöld og halda svo vestur.