Upplýsingafundur Almannavarna ríkislögreglustjóra var haldinn í dag. Honum stýrði Hjördís Guðmundsdóttir, samskiptastjóri Almannavarna. Guðlaugur Þór Þórðarson, umhverfis-, orku- og loftslagsráðherra, Tómas Már Sigurðsson, forstjóri HS Orku, og Páll Erland, forstjóri HS Veitna fóru yfir stöðuna á Reykjanesskaga.
Tómas Már Sigurðsson, forstjóri HS Orku benti á að í nótt hafi verið hafist undirbúningur við nýja lögn. Í dag var hafist handa við að hana sjóða saman. Hafin er lagning nýs vegar yfir hraunið. Áætlað er að eftir einhverja daga sé unnt að koma hita aftur á svæðið. Aðgerðin sem nú er unnið að er einungis til bráðabirgða en samhliða fari fram langtíma aðgerðir.
Hann benti á að varnaraðgerðirnar sem ráðist var í hafi skilað einhverjum árangri, þá helst mætti nefna varnargarðana í kringum rafmagnsmöstrin.
Tómas telur aðgerðirnar munu taka um það bil viku. Frá samsetningu lagnar til áhleypingar vatns í húsin.
Páll Erland, forstjóri HS Veitna, segir að unnið hafi verið að því að styrkja rafdreifikerfið fyrir Norðvestanverðan Reykjanesskaga. Nægt rafmagn sé í Fitjum en að svæðið sé hitaveitu svæði og því séu innviðir ekki nægilega öflugir til rafhitunar húsa.
Brýnt var fyrir íbúum að slökkva á hitablásurum og rafmagnsofnum á meðan eldavél eða bakaraofn heimilisins sé í notkun. Rafmagnsleysið í gærkveldi ku hafa verið sökum þessa.
Guðlaugur Þór, umhverfis-, orku- og loftslagsráðherra segir atburðina ekki hafa komið stjórnvöldum á óvart og ráðleggur fólki að halda sig heima og fylgja fyrirmælum Almannavarna.
Bent er á nýja upplýsingasíðu Almannavarna. Þar er að finna helstu leiðbeiningar og upplýsingar til íbúa.
Neðantalinn listi sýnir dæmi um orkufrek rafmagnstæki:
- Rafmagnsbílar í heimahleðslustöð.
- Hitablásarar.
- Olíufylltir rafmagnsofnar.
- Rafmagnsbílar á ferðahleðslutæki.
- Eldunartæki.
- Stór fiskabúr með hitara.
Athugasemdir