Hvít jörð á höfuðborgarsvæðinu: „Á morgun er síðan von á sendingu úr norðri“

Íbúar höf­uð­borg­ar­svæð­ins vökn­uðu við hvíta jörð eftir nokkra góða daga með hlýju og jafn­framt vor­legu veðri. Full ástæða er til að fara var­lega í umferð­inni. Samkvæmt Veð­ur­stofu Íslands er spáð rign­ingu, slyddu eða snjó­komu í dag. Breyti­legri átt 8-15 metra á sek­úndu. Dregur úr vindi með kvöld­inu. Hiti verður á bil­inu 0-4 stig.

Hug­leið­ingar veð­ur­fræð­ings eru:

„Í nótt nálg­að­ist lægð úr suðri og miðja þess­arar lægðar verður stödd yfir land­inu í dag. Vindur blæs rang­sælis kringum lægð­ar­miðj­una og áttin verður því breyti­leg, vind­hraði yfir­leitt á bil­inu 8-15 m/s. Einnig má víða búast við ein­hverri úrkomu og í grófum dráttum má búast við rign­ingu eða slyddu nærri strönd­inni, en meiri líkur á snjó­komu inn til lands­ins. Hiti 0 til 4 stig.

Á morgun gera spár ráð fyrir að við verðum áfram inni í lægð­ar­miðj­unni, en þegar lægðir eld­ast verður oft þrýstiflatneskja á stóru svæði í miðju þeirra og því er útlit fyrir rólegt veður um tíma. Seinni­part­inn á morgun er síðan von á send­ingu úr norðri, þá er spáð vax­andi norð­an­átt og fer að snjóa á norð­ur­helm­ingi land­ins.

Norð­an­áttin heldur síðan áfram á föstu­dag með élja­gangi, en yfir­leitt þurrt veður sunnan heiða.“