Emi blöskrar verðlagið á Íslandi: „Seldu úr þér vinstra nýrað“

„Smá áminn­ing áður en þú ferð­ast til Ísland: Seldu úr þér vinstra nýrað. Seldu bæði nýrun … og hjartað, sál­ina, bara allt áður en þú kemur,“ segir Emi Gibson, breskur ferða­maður, sem deildi reynslu sinni af íslensku verð­lagi á sam­fé­lags­miðl­inum TikTok.

„100 pund fyrir strætómiða [innsk. blm. u.þ.b. 17 þús­und krónur] 4 pund til að nota sal­ernið [innsk. blm. u.þ.b. 700 krónur] 5 pund fyrir fjórar sneiðar af vatnsmelónu [innsk. blm. u.þ.b. 870 krónur] 7 pund fyrir vatns­flösku [innsk. blm. u.þ.b. 1.200 krónur] 17 pund fyrir túbu af Pring­eles [innsk. blm. u.þ.b. 3.000 krónur] 35 pund fyrir eina kjúklinga­bringu úr mat­vöru­verslun [innsk. blm. u.þ.b. 6000 krónur],“ segir Emi í and­köfum frá bað­her­bergi hót­els­ins.

Hún dregur því næst fram bakka af kremum og krukkum og spyr:

„Nei sko, sjáið þetta í bað­her­ginu. Lítill krútt­legur bakki af því sem venju­lega er ókeypis. Er þetta ókeypis? Eða er þetta 40 pund á krukku? [innsk. blm. u.þ.b. 7000 krónur]“, ljóst er á upp­tök­unni að Emi er ekki skemmt og ber verð­lagi Íslands ekki góða sög­una. Tæplega 200.000 manns hefur horft á mynd­bandið, þegar þetta er skrifað.

Hér að neðan má sjá mynd­skeið hennar í heild: