Íslensk hjón föst í „fjögurra stjörnu fangelsi“ undan ströndum Afríku: „Mikill pirringur um borð“

Íslensk hjón eru föst um borð í skemmti­ferða­skipi undan strönd Márítáníu, vegna nið­ur­gangspestar sem gengið hefur um borð í nokkurn tíma.

Jóhann Helgi Hlöðvers­son og eig­in­kona hans Margrét Orms­dóttir hafa ekki átt sjö dag­ana sæla á sigl­ingu sinni með skemmti­ferða­skipi en þau hafa verið á sigl­ingu frá Suður-Afríku til Márítáníu. Upp kom svæsin nið­ur­gangspest í skip­inu fyrir nokkru en Mannlíf sagði frá raunum þeirra þann 19. febr­úar síð­ast lið­inn.

Sjá einnig: Íslend­ingar um borð í skemmti­ferða­skipi þar sem svæsin maga­pest gengur: „Magga gaf honum lexíu“

Nú neita heil­brigð­is­yf­ir­völd í Márítáníu að veita land­vist­ar­leyfi fyrir far­þega skemmti­ferða­skips­ins, vegna hræðslu þeirra við Kóleru. Að sögn Jóhanns Helga tekur það um einn til tvo sól­ar­hringa að fá stað­fest hvort um sé að ræða Kól­eru­sýk­ingu eða ekki. „Við erum stödd í 4 stjörnu fang­elsi undir strönd Maurasitius. Við erum föst um borð í skip­inu! Það kom upp rassa­kvef og við fáum ekki að taka land! Við áttum að vera í Réunion í gær en þeir neit­uðu að taka við okkur.“ Þannig hefst Facebook-færsla Jóhanns Helga, þar sem hann lýsir raunum þeirra hjóna.

Á öðrum stað segir hann: „Um borð eru 2400 far­þegar og rúm­lega þús­und starfs­menn. Skip­stjór­inn var að til­kynna okkur að við fáum ekki að taka land fyrr en á Þriðju­dag­inn! Eftir tvo daga og það er mik­ill pirr­ingur um borð.“ Segir Jóhann að ástandið valdi gríð­ar­legri keðju­verkun enda er þetta fjöldi manns sem á bókað flug og hótel og sami fjöldi að bíða eftir að kom­ast um borð í ferð­ina sína. „Nú þegar er farið að bera á skorti á ýmsum mat­vælum eins til dæmis eggjum og morg­un­korni. Við Magga ákváðum að láta þetta ekki eyði­leggja fyrir okkur dag­inn, sóttum hand­klæði og lögð­umst í sól­bað. Viti menn á sama augna­bliki varð ský­fall og við urðum frá að hverfa.“